富盈火鍋雞煲專門店

Open Now

Now Closed

星期日晚同frd上去都仲有勁多位，食飯時間都冇咩人，walk in一定冇問題，店鋪位置都易搵。食物款式都好齊全，啱曬咩都想試d但食唔多嘅朋友仔。一次過可以食齊燒肉 雞煲 打邊爐，唔洗揀食咩好，啱曬同一大班朋友仔一齊去食。價錢亦十分相宜，啱曬學生黨。不過食物質素就非常一般，全部嘢都唔算新鮮，睇得出放左出嚟好耐，海鮮都好大浸腥味🫢肉類應該落左好多醃料，食落d醃料味會蓋過肉味，只要食調料味。不過以咁嘅價錢，可以食到咁多款嘢食都算係咁。我個人就比較追求食物嘅質素，再有下次可能就未必啦😥

星期六晚遲左收工，朋友係入面食緊，但由於小妹想食雞煲，所以試吓問門口哥哥可唔可以開多一次個雞煲，哥哥話唔得，我覺得合理，因為朋友已經打邊爐階段，唔特登開返個雞煲好正常，咁我就睇吓門口buffet 位有咩食啦，都打算坐低一齊打邊爐，但係職員即刻截住話：入去坐，唔准飲嘢唔准食嘢！當時係俾佢命令式嘅口吻嚇了一大跳😳，我同返哥哥仔講：可唔可以睇下有咩食？再決定入座？事後覺得太「委屈」了哥哥仔，令佢難做決定落樓下食十三姨（好彩去咗十三姨食，原因請睇埋下文），事後聽朋友講，佢地慶祝生日，擺左個蛋糕上去幾個鐘，攞返出嚟切蛋糕嘅時候，個蛋糕係冇雪過兼溶左（唔知會唔會肚痛），生日牌爛左🥶「同事之間互相推卸責任」，最後竟然發現，佢地有同事去完廁所竟然、竟然、冇洗手！！aiyaya

收銀男職員態度極差， 食物質素一般般，嘢飲選擇少，同價錢隔離有大把好野食，中伏，唔建議去，垃圾中既垃圾，完全唔知食乜嘢，有錢有時間又鍾意食垃圾嘅可以去試吓，講多無謂

嗱！今次想同大家講講我食咗個色香味俱全嘅大餐，仲要係得咁讚嘅環境中。首先畀個掌聲俾佢哋個「招牌火鍋」，湯底選擇多到我眼花撩亂，最後揀咗個秘制麻辣湯，夠晒夠勁辣，頂級滋味溫暖埋件心！🍲辣度完美，千層肚同金菇落湯幾分鐘，出嚟嗰陣口感既嫩滑又爽口，汁水全畀佢吸晒，一啖落肚真係夠晒滿足。食完熱辣辣嘅火鍋，就過番嚟燒肉味道。安格斯牛肉只需喺面頭輕輕噏一噏，每一啖都咁多汁、咁嫩滑，食得我呼哧呼哧咁賣力。🥩😋轉頭又食嘅西班牙黑毛豬，外皮烤得啱啱好，有啲嘅金黃色；肉質鮮美又彈牙，嘖嘖，呢啲食材真係惹味到爆炸！嚟到甜品，自家制花生糊正！滑溜溜嘅口感攪拌得啱啱哋，花生香味撲鼻而唔膩口，老實講，完場可以有咁滋潤嘅味道，真係錦上添花啊！🍨潮州蘿蔔糕同埋蒸蛋係我心頭好，都做得唔錯，尤其係蒸蛋，細滑得嚟又夠味，喂，真係叫人一試愛上！總結，呢次嘅食體驗正，地方夠曬企理，服務又得，如果想食得痛快又唔想花得太多，真係一個好選擇！

當日4個人食晚市無限時，啱開始時嗌咗幾碟牛（每碟3-4塊而已），咁我哋就再嗌多10碟打邊爐，過咗15分鐘都冇上，就問店員，突然有個好高，姓郭嘅男店員過嚟指住我哋，用唔禮貌嘅語氣話食唔晒就逐碟收$100，連煲入面都逐塊計，但收據明明寫一塊收$10，一碟都冇10塊又點收$100呢？成程只感覺服務態度好差，攞錢買難受，唔會再去。。。

仲剩30分鐘唔係同你講last order問你仲加唔加野，直接係話出面好多人等緊叫你執野買單走人仲要冇講到用餐時間係幾耐，正常間間放題都會同你講埋，但佢地係唔講，淨係問食邊個價位就算冇下次亦都唔推薦

呢間餐廳可以一次過滿足三個願望，啱哂我呢啲貪心鬼。4個套餐不同款式不同收費，揀咗 #2 美國極上牛頸脊放題（$258）。先嚟個雞煲，要咗少辣，好快上枱，味道中規中矩，因為怕太飽食唔到其他嘢，所以無再添加。之後轉火鍋 + 韓燒，兩個爐，一左一右同時進行。火鍋及韓燒食物有啲要填紙仔，有啲就出去自助拎，最吸引係有不少海觧食材提供。另外仲有少量前菜、熟食、飲品、甜品。總括嚟講，食物款式頗多，質素正常，對得住收費價錢，可以一試。

講真係現今香港，你唔做番咁上下廣告，人地上網Search火鍋除左某D連鎖集團店外，有幾可會搵到d又值食又好食既店仔？一堆牛X已經擋左幾版，所以都唔個點解比我search 到呢間唔出名，仲要座落係旺角小巷內既富盛火鍋，仲要神推鬼㧬咁睇到菜單，2百幾有任食海鮮仲要去到象拔蚌級別，好難唔心動去試試😌登打士街行到傷心酸辣粉大大個招牌底轉入去嘅小巷就會見到呢間店面門口好細，但係實際上樓之後空間異常廣闊嘅富盈火鍋，以一間任食黎講佢真係勁大空間，手肘撞手肘完全不存在基本上兩人已經比到1檯2爐既狀態。都唔知係心地好定生意唔好😂😂😂叫左個3號餐無限任食，但由於7:30前埋單可以有折頭關係，所以貪小便宜，最尾只係食咗兩個鐘，但如果閣下都想嘗試嘅話我奉勸你都係唔好貪小便宜，一定食盡佢因為其實真係兩個鐘頭唔夠時間食咁多嘢先上個無限任食嘅麻辣雞煲，本身有女士在場，所以叫左細辣，雞肉絕對稱唔上嫩滑，有d鞋但幾惹味。由於今日嘅目標係海鮮，所以雞煲淨係食咗一個就放棄，免得浪費時間，以上圖片裏面嘅食物都係任叫任食，由扇貝到鮑魚到生蠔到石班塊到鰻魚到象拔蚌到紅蚌片到生海蝦真係任食，而且叫幾多上幾多，絕無漏單本身係超特惠，

再訪. 當然會作出比較.等候時間: 0 分鐘. ( 因為一早book 左位)上次職員有教我雞煲, 要點搞. 但係, 今次上左個煲 就算. 服務態度無之前甘好, ( 有可能係因為多人.講唔切)上次最吸引既花膠, 今次都明顯差左少少, 上次厚 同有咬口, 但係今次已經無左優質既感覺. 加上 生蠔, 牛舌都未解凍.不過, 今次既好處係, 飲品多左, 多左冷泡茶, 都幾好. 花甲 新鮮過上次, 鯇魚片 爽口過上次, 鰻魚好味過上次,因為今次多客過上次, 所以雪櫃refill得快左.依然係有生日優惠, 88折抵返.

平安夜去邊度食都貴 ，有同事介紹呢間餐廳本來睇見差評就唔想嚟，以為好差，最後男朋友話要嚟試下，結果嚟試到 ，發覺食物質素ok 價錢三百幾蚊仲唔可以任飲1664 ， 啲菜又嫩， 海鮮同肉類都ok ，職員係好忙，但係有個戴眼鏡嘅姐姐佢會主動問我哋需唔需要幫我哋攞啤酒 我食咗咁多年任飲任食場嚟講都係第一次問我主動問我需唔需要攞啤酒畀我，我覺得服務都唔差，我同男朋友都覺得又唔係太貴又有雙爐，食物野飲款式都算多，服務唔太差已經算係好。

黎左試個雞煲同邊爐，一叫左無耐就到，雞幾多下，自己慢慢控制火喉，D 雞啱啱熟會時食最滑最嫩，認真正。食完雞煲就用個煲底打邊爐，有好多唔同嘅食材任君選擇，各類肉丸、腸仔，不同種類的蔬菜、肉類、花甲、蠔，三文魚、蝦、炸魚皮、響鈴等等，仲可以叫鮑魚添，真係好多款式。仲有雪櫃入面有大量飲品，啤酒、汽水任飲，真係抵食~最後食落甜品就完滿結束了!

呢間店，疫情時已經幫襯佢👍🏻👍🏻地方唔算靚裝修，但優勝在算乾淨、冷氣夠❄️食物亦算多選擇，燒烤有成條魚、成條豬腩肉、三文魚、鮑魚、蝦、帶子…..太多，不能盡錄🤭火鍋係食完雞煲再打邊爐，飲品亦多選擇，生日月份仲全單88折，切蛋糕不收費。我想講店員態度，感覺唔係差，算幾好👍🏻👍🏻不過我上次也見到一啲野蠻客人鬧職員，佢哋都好容忍，要讚👏🏻👏🏻👏🏻希望佢哋繼續keep住水準😎😎😋😋

預約好時間早到15分鐘，今次訂咗8人枱，因為尚未正式開始，只見職員在裹面食飯，因為天氣炎熱，問職員可否早些入內坐下，職員拒絕，叫我們在門口位置等，門口位置狹窄又沒有空調，感覺非常熱，所以我就推開少少玻璃門比少量汵氣出門口，但職員話我們打開了少少門冷氣走曬，叫我們關上門，之後有一個職員仲出來點香供關帝，令到窄狹的地方更難受，待差不夠鐘先比我們入內，全場只有我們一枱。感覺呢間餐廳職員操守太差，作為一間做飲食服務的餐廳，連起碼的待客服務都不懂，食物方面，只覺一般，已經放入黑名單，不會再去。

又系朋友生日敍餐日子，今晚揀了這間頗有噱頭的任飲任食三重奏‘美國安格斯小牛排放題餐，7點半前走優惠每位$258，再有5送1位免費👍🏻。三重奏系有韓燒、火煱、鷄煲3様一齊，一次過滿足3𠆤原望🌟。首先來個鷄煲，鷄好滑，調味很到位，還加了麻辣，十分野味，吃不停，原來還有花膠在🐔煲內，好正！好入味！食完個煲仲可以再encore。枱有另一個爐給客人同時韓燒，燒烤食物除了🐂，還有黑豚肉、羊等，，味道0 k，我們還烤了一條頗大的黃花魚，魚肉好滑，其他店少有。火煱我們選了花蟹蜆湯，如想再換湯加$ 10，火煱內一様有花膠，花蟹亦新鮮，還有蠔、鱔，元貝、鮑魚、虎蝦…. 應有盡有吃不完。除食物外，飲品也頗出色，有不同種類任飲，連藍妹啤酒也不例外！另外朋友燒了新鮮菠蘿，好多汁好甜，大家追住食！如果喜歡甜品也可吃牛奶公司雪糕和泡芙，不過我們實在太飽了。整體食物質素理想，服務員態度良好，環境闊落乾淨，系encore之選！

非常遺憾地向大家報告，不幸地遇到了這家任食火鍋餐廳，他們並沒有履行他們的服務承諾。這家店故意拖延出菜時間，沒有提供足夠的飲品和食物，而且他們的員工態度惡劣。在我點菜後，餐廳居然拖延出菜的時間，讓我感到非常失望。他們不僅沒有在合理的時間內提供食物，而且還沒有出足夠的飲品，這讓我非常不滿。更令我無法接受的是，餐廳的員工態度惡劣。我試圖與他們溝通，但他們完全不理會我的需求，並對我發脾氣。更糟糕的是，他們甚至報警以故意刁難我，這種行為真的讓我感到非常無奈。我認為這樣的店應該被列入黑名單，讓其他消費者知道他們的不良行徑。我希望這樣的經歷不再發生在其他人身上，並希望餐廳能夠反省並改善他們的服務態度和品質。