板神鉄板燒日本料理 (信和廣場)

Open Now

Now Closed

香港食鉄板燒有好多，板神因為上年教主炒飯而爆紅，book枱經常爆滿，好多人都想黎打卡朝聖。我同一班同事都不甘示弱，一齊黎試吓有幾把閉🤣我哋去左銅鑼灣信和廣場啲間店，係旗艦店，店舖面積超大，冇認錯個位置其實係neway嘅前身。成間店裝修非常有氣派，區分鉄板燒、Omakase、串燒，唔同房會食唔同嘅野。我哋今次係食佢嘅鉄板燒，被安排去一間大房，空間感非常足夠，可以容納24人左右。我哋一行12人，大家都係點午市商務鐵板燒套餐，當中因應唔同嘅牛有唔同嘅價位。最重要係逢星期一至五13：45後入座有八折優惠，抵食好多。商務套餐都相當豐富，係一個full course meal，有前菜沙律、刺身三款、南非鮑魚、本日海鮮（鱈魚）、季節野菜、炒飯、漬物、麵豉湯、甜品／咖啡，而且仲會有鐵板燒活龍蝦(1隻/2位計）。所有食材都新鮮好食，亦都夠晒飽，女士都未必食得晒。牛就厚燒薄燒各有特色，建議2款都試。至於牛嘅質素，個人覺得「A5和牛」同「美國牛肉」分別不大，叫個平嘅都可以了。午市同晚市其實食嘅嘢唔係差好遠，但最大嘅分別係「時間」。午市佢會一次過滾水淥腳咁不停煮，唔理你食完未，變咗你食得慢就有可能有啲食物已經