初芋 (Closed)

初芋（Mong Kok)🙈食完飯自然口痕想食甜品🍧🍨 呢間新開嘅芋圓店舖想試好耐 點知食落先知。。😅😅⌖ 重量級冰極芋圓鍋🍧💰$128聽個名好似好勁 配料望落又好豐富 有三色芋圓🍠 糖水底揀咗寫住熱賣嘅黑糖😗😗 之後仲有九款配料（白桃果凍🍑、檸檬茶凍🍋、芋泥、荔枝、椰果、紅豆、寒天珠、桃膠、仙草） 芋圓鍋擺上台會有啲俾專for打卡嘅煙霧💨 即刻期待佢嘅味道如何🤔🤔 首先係糖水底 原本幻想係杰身啲嘅黑糖 點知原來係溝到好稀嘅黑糖水。。 味道好一般😬 之後逐樣試吓配料 大部份都係普通貨色 但有啲係真心伏 例如招牌嘅芋圓好韌 有啲仲要黐埋一齊😵 白桃果凍以為會甜甜地 點知係酸嘅🤧 荔枝似係醃製咗好耐 都係酸嘅 桃膠淡到好似食緊膠🤐 仙草似超市買嘅龜苓膏味道。。小編唯一覺得芋泥配黑糖水OK 不過整體真係唔推介 性價比低 第一次食糖水都會食剩😓😓 伏！⌖ 雪芒楊枝甘露🥭🍨💰$38一擺上台個賣相真係麻麻 係用紙兜裝嘅甜品😅😅 都幾細碗 主要係椰果、西柚、芒果汁同埋一球芒果雪糕 食落成碗都係好假嘅芒果味 尤其係嗰球芒果雪糕。。 諗返哩碗楊枝甘露連芒果果粒同埋西米都無😬 呢個價錢來講真係唔合格😟😟 ☻