利苑酒家 (圓方)

Open Now

Now Closed

剛剛出了花紅，打算請一家人食飯原本想去尖沙咀八月居，但係哥哥話又一城嗰間姊妹店八月花唔好食所以佢就提議到圓方嘅利苑食晚飯因為太遲先決定，加上擔心星期六多人出街食飯訂唔到位所以無點考慮就決定去利苑 去到時候比原定的遲，已經夜晚八點九諗咗一陣，叫個類似部長嘅人寫菜我想要個燒味雙拼，同佢講要叉燒拼燒肉佢話無燒肉，咁我話要雞啦佢就問我要咩雞，我問佢有咩選擇，佢講咗一大堆，我最後揀咗燒雞之後佢問我要半隻定係一隻，吓？我同佢講我要燒味雙拼喎咁佢先同我講雙拼無得拼雞架喎，咁可以拼咩呀？佢話可以拼海蜇，牛月展囉！唔係呀嘛？是但搵間酒樓都唔會咁少選擇啦我索性唔要個雙拼喇！ 咁我再叫其他食送啦，點知簡直係叫嗰樣無嗰樣想叫個京廷醬烤骨，無！叫隻燒乳鴨，無！鵝肝炒牛柳，又無！連叫隻茶香雞，都無！之後個部長仲要遞張紙過來，話得返呢啲，如果要的話，就要快手，唔係就會無哂個list有二三十個菜，但係有三分二都係鮑參翅肚依家係唔係幫襯利苑都要食呢啲嘢先？！？ 最後喺無咩選擇嘅情況下，叫咗啲好行嘅食送就好似魚雲煲，風沙雞，啫啫生菜煲，湖北黃金蝦，菠蘿咕嚕肉水準真係好差，啲蝦仲要有啲梅添．美心一定比佢好十倍估唔到連最後叫