Reactors Coffee

Open Now

Now Closed

話說今日就黎到第一城，減緊肥既我想食得健康d，但係又想食得好味。見到呢間Reactor Coffee，主打西式食品，又口痕想食煙三文魚，就決定食呢間啦！呢間係開放式座位設計，喺第一城入面都相當有浪漫情調。用餐係想去Cashier點菜，再去拎位，採用自助式風格。咁我就點左呢個180度 Salad，入面有煙三文魚，蛋沙律，紅火龍果，牛油果同沙律菜，再伴有奇異果醬。食落感覺真係好Fresh，最令我感到Surprise係奇異果汁，係真係非常新鮮。同沙律菜攪拌係昇華左成個沙律。但係美中不足係沙律汁太少。其他配菜感覺都幾搭，連我呢個唔係好鍾意食沙律蛋既人都覺得唔錯。其實呢間我見好多人都有點咖啡，因為我坐係近廚房所以都聞到陣陣咖啡味。今次因為已經夜晚，所以就冇叫咖啡。但係若果下午茶與好友小聚下，感受咖啡店氣氛，比起到連鎖咖啡店，呢度會更有氣氛。