Reactors Coffee

Open Now

Now Closed

在威爾斯醫院工作之前, 喜歡到附近的第一城商場喝杯咖啡, 吃一個All Day Breakfast, 雖然說只是一個住宅區, 但商場內的咖啡店也不算少, 除了連鎖集團外, 也有兩三間獨立經營的, 比起油塘不知多了多少倍, 因為嚴格而言油塘是沒有咖啡店的. Reactor Coffee本身在這裏和紅磡也有營業, 但後來就留守在這裏, 咖啡正常, 味道帶點酸但加了奶就OK, 而且Latte Art也算是做得不錯, 奶泡口感順滑, 作為早餐的咖啡已經合格. All Day Breakfast有點驚喜, 無論是厚切煙肉的口感不會太乾, 還是炒蛋的順滑, 還有附上的奶油蔬菜撻比一般的麵包內的有心思的表現, 為我差足電, 然後迎來另一個忙碌的工作天.Before working at the Prince of Wales Hospital, I enjoyed going to the nearby First City Mall for a coffee and an All Day Breakfast. Although it’s just a residential area, there

有友人經常都黎依到飲佢既咖啡同食lunch，話幾好唔錯。我平時都會飲下佢既啡，個人比較愛nutty latte，啲堅果味同奶味都真係幾香。今日忙裡偷閒黎到食下weekend lunch，啲野食質素都幾高質～🍠 香辣雞肉意粉 $78 （set lunch)蕃薯老母幾鐘意佢既意粉偏幼身，配以青瓜及三色椒為配料。雞肉嫩滑又入味，而意粉帶有濃濃香蒜味加少少辣味，好開胃。惠顧Set lunch 可以半價換購飲品🍠 抹茶拿鐵 原價$48 飲品都算大杯，店家用嘅抹茶粉好濃郁，配上香濃嘅奶味，又唔會過甜過苦💛📍Reactors Coffee沙田置富第一城地下G92號鋪

今日嚟到沙田第一城探朋友，夜晚喺度食埋嘢先走。商場都多餐廳但好多係連鎖集團，見到呢間小店經營嘅西餐廳menu幾吸引，就食呢間。.佢menu每個月會轉款式，有啲就固定每個月都供應。我哋揀咗「紐西蘭牛肋條配芥末籽燒汁」及「黑松露菌雞肉pizza」。晚餐包一杯咖啡或花茶/紅茶，我揀咗一杯熱嘅茉莉花茶。.呢間餐廳係有個open area 坐大堂位置，幾空曠，都坐得幾舒服，一啲都唔迫。.紐西蘭牛肋條配芥末籽燒汁 —牛肋條份量都唔少，而且全部都炆得好淋好入味！佢個醬汁好好食，係餐廳自家調配出嚟。伴碟有燒茄子及焗薯，茄子燒過好香，亦有用香草調味過；而焗薯表面香脆，入面嘅薯仔都入味，好食。.黑松露菌雞肉pizza —熱辣辣新鮮焗出嚟真係好香！薄餅邊好軟熟，一啲都唔硬；整個pizza都佈滿好多餡料！好多黑松露醬、野菌及雞肉，黑松露味好出，口感好豐富！表面仲有大量芝士，每啖都有拉絲，好滿足。.另外，我杯茉莉花茶都幾好飲，幾香，亦好大杯。.呢間餐廳嘅食物有水準，會下次再嚟幫襯👍🏻

🍽️🥯【 𝗥𝗲𝗮𝗰𝘁𝗼𝗿𝘀 𝗖𝗼𝗳𝗳𝗲𝗲 】 🥯🍽️⋄ —————⧫♟⧫————— ⋄忙裏偷閑一下🙊⋄ ┄ ┄ ┄ ┄ ❖ ┄ ┄ ┄ ┄ ⋄🍳ALL DAY BREAKFAST全日早餐 ($118)煙三文魚|愛美拿腸| 薯仔蛋沙律|大啡菇| 炒蛋| 沙律菜 |烤番茄| 酸種麵包| 自家製野莓醬⋄ ┄ ┄ ┄ ┄ ❖ ┄ ┄ ┄ ┄ ⋄⋄📍地址：Reactors Coffee (沙田第一城)沙田銀城街1-2號置富第一城地下G92號舖

#乜乜飲食日記 難得入第一城探朋友，梗係要試下地道小店嘅咖啡☕️🍊Hot Latte (Fruity Coffee Bean) $44》可以揀Fruity同Nutty的咖啡豆的地方一般都係對咖啡有要求。Fruity豆味道相對帶淡淡果香同微酸～但同奶Mix得好的話成杯Latte會入口會比起Nutty平衡同舒服。依杯雖然係外賣咖啡，但都做到Fruity Bean的舒服感，奶泡好綿密，溫度適中，最重要係咖啡香氣拎到去朋友屋企都仲有～滿意😊小店有賣本地炒嘅咖啡豆，有機會試下先！☺️啊！店員好有禮貌～🍊#乜乜吉吉 #mugmugmugmugfun

🍕依家好流行去café搵食，喺繁忙市區裏面，搵到間Reactor Coffee真係啱晒帶啲朋友或自己一個悠閒嘆返個幾味美食。佢哋個黑松露雞肉磨菇pizza，香濃得嚟又唔會膩，稔嘅起司配埋啃啱啱好嘅薄餅底，真係咬落去有稔有筋👍。我點嘅煙三文魚意粉都正到不得了，三文魚鹹香，意粉Q彈，份量都啱啱好，叫埋杯flat white，咖啡香郁得嚟又夠creamy，啱晒啲咖啡控！座位雖然喺購物廣場，但坐得舒服，一邊飲咖啡一邊人流湧動，都幾得意。下次一定要約多啲班friend嚟試下其他嘢！🍝☕

今天我跟爸爸來吃午飯。餐牌上的選擇也不算少。我們點了兩種意粉：分別是Parma ham 意粉和明太子帶子意粉。 兩種意粉的味道也很好，意粉軟硬度適中。Parma ham意粉很足料，有一大片Parma ham。明太子意粉帶一點點辣味很好吃。帶子的數量很多，亦都chewy。我亦覺得服務員的態度很好，上菜的速度還算快，不用等太久就可以吃了。爸爸點了一杯咖啡，我因為有少少咳，所以不能喝朱古力。今餐大約$200左右，價錢不算太便宜，不過物有所值。希望下次有機會再來。

昨天中午經過reactor入去食lunch， 之前都一直有買開外賣，員工態度都ok的，但今次order食物時遇上一個女員工，order食物時她的樣子已經好不肖，order慢些都好似想殺咗你咁， 但當時沒有其他顧客在等， 坐下等食物的時候已經好後悔， 因為覺得商場冷氣不足， 終於食了一半便離開因為商場實在太熱， 商場太熱餐廳未必可以改變到， 但希望改善下這位女員工的工作態度， 這餐廳本身食物質素不太差， 其他員工都有禮貌的

Reactors Coffee是一家以咖啡為主打的咖啡店，提供多種風味獨特的咖啡和手工調製的飲品。店內的裝潢時尚現代，氛圍輕鬆舒適。他們提供各種不同的咖啡選擇，包括濃縮咖啡、拿鐵、卡布奇諾等等，滿足了各種咖啡愛好者的口味需求。這家咖啡店的咖啡質量非常出色。他們使用高品質的咖啡豆，經過精心烘焙和磨碎，保證每一杯咖啡都能呈現最佳的風味。無論是濃縮咖啡還是手沖咖啡，都展現了咖啡的豐富層次和濃郁口感。咖啡的苦味和香氣相互平衡，令人回味無窮。除了咖啡，他們的手工調製飲品也非常出色。比如他們的拿鐵，奶泡豐富綿密，咖啡和牛奶的比例恰到好處，味道順滑且帶有淡淡的奶香。此外，他們的特色飲品也值得一試，如抹茶拿鐵、焦糖瑪奇朵等，這些飲品融合了不同的口味，帶給人們驚喜的味覺體驗。

經過附近諗住試下呢間看似唔錯評價既咖啡店☕️🍴order左牛油果三文魚egg Benedict，還有Flat white。諗住好穩陣唔難攪，坐底一陣好快就來到，見到已經心知不妙，賣相絕不吸引，試完更加可惜⋯牛油果🥑唔夠熟較生，作為1間cafe竟然用1個唔夠熟既牛油果🥑黎serve俾客，Egg Benedict連荷蘭醬都整得唔好食，toast更加係難食⋯⋯食材質素好明顯需要好大改善空間⋯Flat white就正常，一般。唔會想再來⋯

經過多個食評及奬項推介，我好幾次差點衝動想專誠到第一城一試。今日難得到附近而不需要交人食飯，正好自己靜靜體驗一下「沙田必試cafe」。Service 其實不錯，小店來說店員都殷勤有禮，店面還算清潔衛生，相比我在元朗的「飯堂cafe」來說，這方面實在強很多。我每到一家cafe，總愛先試flat white，可以的話會選fruity，今天亦不例外。咖啡不錯，但不算特別出色。硬要去批評的話，就是我個人比較喜歡用陶瓷杯去盛載熱咖啡，但這是小問題。一切問題在於salmon egg benefit。食材沒有問題，至少雞蛋應該是新鮮的，但整碟egg benedict 的所有食材都沒有半點調味，過份忠於食材本身的味道。麥包、雞蛋、牛油果都是淡味的，勉強只有一點牛油去點綴，連salt & pepper也缺，三文魚缺乏檸檬去引出其鮮味就只剩下咸味，整餐在咸淡兩極之間不斷爭吵，不其然會問Hollandaise sauce 不是應該有酸味的嗎？！而且除了牛油果之外只靠兩三粒車厘茄去中和，沒有味道之間的平衡，膩到胃實在受不了。在每星期起碼兩次brunch的習慣下，如今日一樣食到一半就放棄逃跑的情況，好像已經是很

喺第一城想搵杯好飲嘅咖啡，食個稱心滿意嘅下午茶，我嘅選擇只係得呢一間🔸 竹炭麵包三文治竹炭麵包烘熱咗，外層脆脆地；夾住厚厚嘅肉，食落去一啲都唔鞋口。蕃茄同芝士都足料，咬落去唔會感覺乾身，配送咖啡一流！仲有少少新鮮沙律菜伴碟，幾 fresh 🔸 鮮奶咖啡買咖啡嘅時候，店員會問「fruity 定 nutty? 」你可以選擇果酸味重啲嘅 fruity 或堅果味重啲嘅 nutty。我個人鍾意果酸味嘅咖啡，所以今日嘅選擇係加配鮮奶咖啡

呢間咖啡店喺沙田第一城嘅商場裏面，本舖只有落地玻璃旁邊嘅吧枱位，不過商場中庭有咖啡店專屬嘅堂食空間。我叫咗杯Fruity blend嘅鮮奶咖啡，咖啡好大杯，而且奶味好濃，咖啡味又突出。我點咗一份安格斯牛肉背過，價錢比全日早餐貴少少，不過材料嘅份量差唔多。安格斯牛肉漢堡上面有一粒班尼的蛋，用薯角點蛋漿好好食。嗰塊牛肉漢堡質素幾好，肉質鬆軟。貝果睇得出有烤過，不過未夠脆，搽上Cream cheese真係好開胃。鮮奶咖啡安格斯牛肉貝果 $135

朝早嘆個早餐唔想食肥膩嘢，就簡簡單單叫咗個牛油果加多士，估唔到佢比半個牛油果我，入邊仲有少少黑色，我明白開牛油果就好似抽獎咁🤣估唔到牛油果加埋橄欖油配多士有幾好食，清清地咁，如果有埋黑醋或者雞蛋嘅話，應該會更加配至於咖啡，就揀咗玫瑰latte，呢個就真係冇得輸，咖啡就揀咗nutty d，少甜，佢唔係間玫瑰堂嗰隻死甜，有少少玫瑰花香味，咖啡亦都好香濃又滑，所以黎呢度飲咖啡，我都要加大杯，因為細杯真係唔夠喉

第一次食呢間餐廳，估唔到咁好食，好食過隔離個間，一分錢一分貨。叫左個煙三文魚卷及炒蛋（$76）+半個牛油果（$20）好好味，個卷好多蔬菜，食到好飽，但煙三文魚份量就差少少，如果多翻啲啲會更好。下次可以唔加牛油果，咁就可以食埋啲沙律菜。最鍾意佢杯咖啡，好大杯，好好飲，個拉花仲好靚。食左呢餐，午餐都唔洗點食，直到晚餐先再食。會再encore，下次試其他食物