悅滿軒

以前住美孚新村好近餐廳，搬走後都好掛住啲嘢食，連續返左七日工，今日特別叫老公一齊坐港鐵黎到美孚站B出口，十分鐘內就到既饒宗頤文化館一再回味House of Joy。🥰餐廳兩層高，又有藍白皮椅配瓷磚地，裝修高雅，非常有歐陸色彩。老公急不及待叫左蟹肉意大利飯配烏魚子、蟹肉鮮甜👍🏻，意大利飯夠哂creamy👍🏻，啱哂喜歡cream既人，即是我🥳🥳。香煎北海道帶子配開心果牛油．芹菜頭蓉，帶子好有鮮味，開心果牛油配搭味道好夾，芹菜頭蓉亦相當清爽開胃😍。西班牙薄切紅蝦配柚子茴香沙律既紅蝦鮮甜多肉🤩🤩，柚子茴香沙律既清新開胃更帶出蝦既鮮味，大讚🤪🤪！最後，烤小龍蝦意大利粉配西班牙紅蝦汁係我老公既至愛🥰，小龍蝦肉質爽口又鮮嫩，配埋紅蝦汁更加係鮮味滿分！🥳🥳🥳總括黎講我地兩公婆一再回味大滿足😋法國菜黎講係物超所值，環境又令人置身於法國之中，真係超級讚👍👍