Video
Read full review
2018-07-21
83 views
同好耐冇見既朋友喺銅鑼灣利園附近既日式餐廳食飯。餐廳中心係一個open kitchen，可以見到師傅準備食物，大大增加食慾。我地叫左3個小食做前菜，首先要左個北海道珍寶帆立貝刺身。一份既價錢真係唔平，但從來一分錢一分貨，巨型帆立貝一粒可以切到3份，好厚肉，味道好鮮甜，非常新鮮。然後要左一份雞腿串。雞腿肉切成一粒粒做串燒，外層烤到好香脆，而入面既雞腿肉仍然保持好嫩滑，加少少七味粉做調味更香更好食。再黎有脆炸軟殻蟹，軟殻蟹黎講真係好大隻，而且入面都有膏有肉，唔會得個殻，真係炸到好脆，唔洗加汁都好夠味。伴碟既秋葵炸過之後少左d”滑散散”既感覺，平時唔食秋葵既朋友都接受到。之後就到主菜，火焰海鮮燒盛合。話明火焰，一上碟之後店員就會灒酒點火，岩哂影相呃like。小鐵pan入面有醬油煮帶子，鹽燒蠔同蒜蓉燒龍蝦，唔同海鮮唔同既煮法同調味，更有新鮮感。自己最愛燒龍蝦，蒜蓉加左黑椒味道好香，而龍蝦肉亦夠哂鮮甜彈牙。另一主菜係A4和牛燒。店員首先會用和牛脂肪起穫，然後將雜菜炒熟。之後就開始將一塊塊和牛放入去煎，呢個時候既香味絕對吸引到隔離左右都望過黎。最後再加左麵豉醬汁落去煮一煮就食得了。個人認為唔應該加
我地叫左3個小食做前菜，首先要左個北海道珍寶帆立貝刺身。一份既價錢真係唔平，但從來一分錢一分貨，巨型帆立貝一粒可以切到3份，好厚肉，味道好鮮甜，非常新鮮。
然後要左一份雞腿串。雞腿肉切成一粒粒做串燒，外層烤到好香脆，而入面既雞腿肉仍然保持好嫩滑，加少少七味粉做調味更香更好食。
再黎有脆炸軟殻蟹，軟殻蟹黎講真係好大隻，而且入面都有膏有肉，唔會得個殻，真係炸到好脆，唔洗加汁都好夠味。伴碟既秋葵炸過之後少左d”滑散散”既感覺，平時唔食秋葵既朋友都接受到。
之後就到主菜，火焰海鮮燒盛合。
話明火焰，一上碟之後店員就會灒酒點火，岩哂影相呃like。
小鐵pan入面有醬油煮帶子，鹽燒蠔同蒜蓉燒龍蝦，唔同海鮮唔同既煮法同調味，更有新鮮感。自己最愛燒龍蝦，蒜蓉加左黑椒味道好香，而龍蝦肉亦夠哂鮮甜彈牙。
另一主菜係A4和牛燒。
店員首先會用和牛脂肪起穫，然後將雜菜炒熟。之後就開始將一塊塊和牛放入去煎，呢個時候既香味絕對吸引到隔離左右都望過黎。
最後再加左麵豉醬汁落去煮一煮就食得了。個人認為唔應該加汁煮，醬汁比較濃，咁靚既牛其實輕輕煎兩邊已經好好食。不過d雜菜索哂d汁就好好食。
最後點都要有d澱粉質，我地要左碟牛油果加洲卷，一粒粒既蟹子好脆口，同軟滑既牛油果口感形成對比，冇咁漏。
總括黎講，雖然呢度真係唔算平，但食物質素的確好高，服務都好好，值得一試。
Post
