富臨飯店阿一鮑魚 (Moved) New Location

我老闆經常教我一分錢一分貨,係無錯既。去年底我的"蝦子餅"生日,咪諗住豪d同佢慶祝囉。預訂2位套餐,這裡環境不錯(較靜)。先來2杯鮮楂橙汁或紅酒,跟住便上翅,個湯底幾香濃,魚翅又夠滑夠多,不錯。接著便是原隻25頭吉品飽配鵝掌,鵝掌夠"林"又有飽汁香味,飽魚當然係糖心啦,又夠"林"又夠滑,好!還有飽汁油菜,ok啦,飽汁好香,清清地。重有荷葉飯,好香荷葉味,料又多,ok!甜品係椰汁燉官燕,椰汁好香濃,燕窩又滑,一絲絲的,明顯係官燕盞啦。埋單約HKD5,000,都幾貴。但比起上次去富豪飯店食的,魚翅(湯底)、飽魚同燕窩都明顯優勝,梗係啦,富豪飯店的收費平一半喎!所以話真係一分錢一分貨呢。