茶王冰室 (皇后大道中) (Closed)

點左個午餐，滑蛋叉燒飯跟餐飲茶走。 個叉燒蛋，稱不上叫滑蛋，同蛇竇個似有還冇玻璃滑蛋汁完全不同。反而個蛋連埋個豉油汁同四季常餐神同步，到底邊個抄邊個呢？佢地其實係咪用同一個廚？叉燒半肥瘦，質素正常，豉油汁偏咸。味道我覺得只算正正常常，未有驚喜。茶走是最有期望的，因為茶王冰室是挾茶王之名起家。呷一口，滑是很滑，但茶香不算很出色，有點失望。中環外賣價$52。 不算平也不算貴，都係果兩個字，正常。佢嘅襟兄弟店「四季常餐」在地舖一個相同的餐賣$58，仲要大排長龍🤦🏻‍♀️。呢個價錢質素，無俾多你亦無俾少你。如果唔想俾多$6同排隊，茶王是個選擇。