茶王冰室 (皇后大道中) (Closed)

公司同事叫外賣下午茶，附近有茶王冰室，所以試吓佢。😊茶王樽仔奶茶 跟餐+$20☕️叫得茶王，最大嘅selling point 一定係奶茶，點可以唔試。奶茶以樽仔裝，容量唔算太多，應該係預先沖好倒入樽。奶茶奶味較重，可能用咗煉奶。奶茶的確比一般茶餐廳嘅香滑，不過因為樽仔關係，無得揀少甜，如果少啲啲甜會好啲🙆🏻‍♀️。魚柳薯條 $42🍟正常茶餐廳水準，只不過塊魚柳較細，但口感還好，唔會太冧（價錢比較貴，可能因為中環）。薯條係粗身薯條，炸得唔錯。

因為之前有張coupon，所以去試下，去到先知只有外賣，地方又唔係就腳，收銀又好hea咁，冇乜禮貌，叫左個叉燒滑蛋飯，其實頭幾啖係覺得幾好食，但係愈食愈鹹，唔想再食，不過都算平，可能佢既奶茶先係招牌，唔係飯，但我就冇試

落雨天唔想出街，就直接落office入面嘅茶王冰室買外賣。本身係奶茶愛好者，見到金茶王，唔使諗啦一定係叫奶茶。一飲，極失望，根本係甜奶水嚟，一啲茶味都無。金茶王個名用錢買返嚟？再講食物，叫咗個麻辣雞翼撈丁。呢個餐犀利，雞翼係無味滷水雞翼上面加啲麻辣粉。個麵勁淋，淋到好似糊仔咁，加上一啲汁都無，完全食唔到入口，真係未聽過撈丁係咁。明明係撈丁但又唔知點解有個湯，湯又係無味。總之成個餐都係奇奇怪怪九唔搭八。唯一好處係都算平，租戶有九折。

冠軍級奶茶 茶王冰室🧐。大家飲過未？佢係旺角有門市之外，係中環中心原來仲有一間外賣店。一杯沖得好既奶茶入口係如絲絨般薄滑，奶同茶互不搶風頭。😋😛😋😛😋不防比美一下。奶茶熱愛者，黎飲下啦😍😍😍。黑芝麻西多士整出嚟熱辣辣好大舊牛油😍好吸引入面仲有啲黑芝麻醬，不過黑芝麻味唔會話好重又唔會好甜。幾好☺️☺️炸雞脾薯條大大隻炸脾， 新鮮熱辣 。 外脆內嫩，如果佢多啲肉汁就好啲啦😛😛😛😛😛

📍茶王冰室 (中環)中環皇后大道中99號中環中心入口大堂3號舖-----午飯時間路過公司附近呢間新開嘅茶王冰室 餐廳內有一面非常壯觀的奶茶牆 望落好吸引 就忍唔住入去買黎try一try-鮮茄豬扒飯（$68）豬扒非常厚切 厚切得黎肉質軟嫩送鬆化 茄味亦夠濃 米粒粒粒挺身 唔會過於軟腍 整體唔錯 係高質嘅焗豬🐷-叉燒滑蛋飯（$68）叉燒肥瘦適中 滑蛋蛋味出 而且帶輕微鑊氣味 色香味俱全 中環蛇竇汁左之後 公司附近好耐都無咁高質嘅叉燒滑蛋飯-樽仔奶茶（$39）叫得茶王冰室 當然要試下佢地嘅奶茶係咪真係咁正 呢款樽仔奶茶茶味濃 奶味出 兩者相輔相成 奶脂味同濃茶味都無搶大家風頭 非常正 味道無可挑剔 不愧係茶王 的確令人飲完有難以忘懷嘅感覺 不過價錢就稍貴左d～-----👶🏻B仔整體評價：8/10個👍🏻👶🏻B仔抵食程度：7.5/10個👍🏻👶🏻B仔環境評分：外賣ho👶🏻B仔味道評分：8.5/10個👍🏻👶🏻B仔回頭機會：8/10個👍🏻-----#swallowhongkong跟住我一齊吞食香港啦！🤤#swallowcentral

點左個午餐，滑蛋叉燒飯跟餐飲茶走。 個叉燒蛋，稱不上叫滑蛋，同蛇竇個似有還冇玻璃滑蛋汁完全不同。反而個蛋連埋個豉油汁同四季常餐神同步，到底邊個抄邊個呢？佢地其實係咪用同一個廚？叉燒半肥瘦，質素正常，豉油汁偏咸。味道我覺得只算正正常常，未有驚喜。茶走是最有期望的，因為茶王冰室是挾茶王之名起家。呷一口，滑是很滑，但茶香不算很出色，有點失望。中環外賣價$52。 不算平也不算貴，都係果兩個字，正常。佢嘅襟兄弟店「四季常餐」在地舖一個相同的餐賣$58，仲要大排長龍🤦🏻‍♀️。呢個價錢質素，無俾多你亦無俾少你。如果唔想俾多$6同排隊，茶王是個選擇。

呢間奶茶舖真。幾正 一入去就見到呢輻漸變色嘅奶茶牆 都咪話唔震撼架🤪-講翻野食先 我地嗌咗一份麻辣雞中翼煎蛋撈出前一丁同一個叉燒滑蛋飯😋佢個麻辣都真係幾辣下 所以有小小蓋過咗麵本身個味🙈不過辣得黎都幾好食既 -而個叉燒又燒得幾靚 唔會過肥 個人幾like佢個叉滑蛋飯🤣 加埋蔥花吊下味都真係幾正 呢個亦都係佢地個招牌菜😏😏-另外要咗一個樽仔奶茶同絲襪奶茶🥤 樽仔奶茶就多咗層煉奶係底 會甜d令茶味無咁岀 但鍾意凍飲既佢呢個都幾正🤩-自己唔太鍾意甜野就要咗熱既絲襪奶茶 因為無落糖同即沖既關係 茶味比凍飲更岀更濃 就睇翻你個人喜好揀☃️仲有仲有！佢得外賣冇得堂食架 呢個想試既朋友要注意⚠️啦！🙈-

午飯匆匆忙忙，打算買個外賣解決便算了，碰巧發現了新開的茶王冰室，有我最鍾意的樽仔奶茶。中環店以外賣為主，設計簡約，開放式廚房，最吸引的是砌出黎嘅牆上樽仔奶茶墻。呢度奶茶出名係因為鎮店梁師父在國際金茶王大賽都得獎，如此吸引的原因，又點可以錯過？樽仔奶茶的的骰骰，我們點的奶茶和鴛鴦茶奶比例完美，每啖都帶茶葉的甘香和濃郁的奶味。同事是奶茶怪，對此都讚不絕口！我點的叉蛋飯好足料，蛋一大塊鋪面，是juicy流心的，叉燒的份量好多，我不細食，但食極都仲有。同事麻辣牛肉飯不得了!!好惹味。牛肉厚切，嫩滑不乾身，加上微辣口感，辣辣地越食越上癮。加上飯粒粒分明，送飯一流。雖然只係食左2樣野，但飲品同埋食物的質素都令人好有驚喜，絕對有資格贏過一眾茶餐廳，完全係中環打工仔的福音!!!其實餐牌上仲有好多外賣選擇，要擇日再試。雖然暫埘只有外賣，希望不久將來有埋堂食就更加正正子了。

單睇店既外表以為佢係一間有埋堂食既茶記但其實係一間外賣專門店餐牌都轉得幾密，所以每次黎都有唔同既餐可以食到今次食既呢個係炸肶飯配咖哩汁，加配一杯奶茶因為係即叫即做既關係，等左大約10分鐘終於拎得哇係超大的一只炸肶！！超貼心的仲可以轉做咖哩汁炸肶有成隻手掌咁大，係生炸既方式所以皮係薄脆，而肉質超鮮嫩不得不提就係呢度既奶茶超好飲！！茶香味特別的出色而且口感係好滑溜的，鐘意奶茶的一定要試下！！佢另有樽仔奶茶, 好似做緊推廣優惠, 可以試一下

「冰室」原指南粵一種主要賣冷飲、雪糕同沙冰等凍飲嘅食肆，後來傳到香港，揉合本地文化，賣埋三文治、多士呢類小食，其後仲有奶茶、菠蘿油、公仔麵供應，成為本土特色。喺五、六十年代開到成行成巿，盛極一時，後嚟漸漸轉型成茶餐廳，多間冰室陸續結業。直至近年潮流興懷舊，於是打住「懷舊冰室」名號開設嘅餐廳又一窩蜂咁湧現。但有幾多間真係經歷時間洗禮、承載住堅持嘅老冰室？今日經過中環，餓餓地搵野食，揀岩心水反而急不及待的就去試一口茶，呢間就係【茶王冰室】。上網睇下佢點解咁出名，原來曾於《國際金茶王大賽2016》中獲頒「金茶王」的陳子平師傅主理，雖然沒留意太多，但風聲大，決定一試。.中環中心入口大堂層都要試一層扶手電梯先搵到既。門面開揚，店子細小，主要外賣為主既經營模式。想堂食都有幾個位係到既。餐廳以懷舊冰室做設計，店內結合粉量舊式與摩登風格好似霓虹招牌、磚牆、格仔地磚都帶有舊香港的文化。仲有用樽他奶茶做牆身添。加入新派都幾得意。環境舒服，歎杯奶茶就最好不過。由電子屏睇完Menu後就發覺佢都有外賣紙既，【茶王冰室】售賣各種茶餐廳的必備菜式，例如: 奶茶、西多士、厚多士、常餐、焗飯等等。選擇眾多，令我選擇困難

聽茶王呢個名已經夠晒架世啦，仲有茶王沖茶俾你飲😍呢度有得堂食同外賣🥡，質素都係咁正🥰1️⃣叉燒滑蛋飯 $52叉燒好大塊😯，而且肥瘦均勻😋成個飯超大份，自己覺得好食過旺記🙊滑蛋加上甜豉油同燒酒，甜甜地好惹味！飯唔會過多甜鼓油，飯嘅軟硬度適中😎🙆🏻‍♀️美味指數:7.98/102️⃣樽仔鴛鴦 $20冇諗到鴛鴦都表現得咁出色!咖啡帶少少荔枝嘅果香味，奶茶嘅茶味比較突出，鴛鴦好香滑，唔會覺得好甜。佢嘅樽仲要係用咗玻璃樽添㗎。🙆🏻‍♀️美味指數:8.25/103️⃣沙嗲牛肉煎蛋撈出前一丁 $54沙嗲牛肉唔會太鹹，比一般嘅茶餐廳出色。煎蛋🍳蛋黃一切開就已經開始有少少流心湧出來，撈埋出前一丁就更惹味。食出前一丁係一種懷念嘅感覺，好有港式味道。🙆🏻‍♀️美味指數:7.12/104️⃣樽仔奶茶 $20奶茶好香滑，但係鑒於我平時喝無糖嘅就會覺得甜咗少少。🙆🏻‍♀️美味指數:7.12/10💡整體來講，性價比高，太忙嘅時間都想食高質嘅外賣🥡，不妨試下。茶王冰室 地址🐾: 中環皇后大道中99號中環中心入口大堂3號舖

Office的同事們都開始放聖誕假期,最後一個工作日只剩下我留守陣地，午餐就外賣解決好了。去了這家在中環中心新開的茶王冰室買外帶。餐廳不大，只有兩個堂食的高腳座位，店員說12點前沒那麼多人的時候可以在店裡吃，過了12點人很多就只做外帶。餐廳主打常餐特餐和一些常見的港式粥粉麵飯。門口就放了大大個金茶王2019年香港區冠軍梁師傅的照片，來這邊沒有可能不試試奶茶吧哈哈！我點了瑞士雞中翼煎蛋撈出前一丁（$54）和樽仔奶茶（$20）。這邊的撈丁還會給一包麻油，麻油可是整碗麵的精華呢！我拿到回去office還是熱呼呼的，因為外帶飯盒有兩層，上面是撈麵下面是熱湯所以麵一直熱著。雞翼有三隻，上面放了一個太陽蛋。這個瑞士雞翼汁不是甜的而是咸的，雞肉嫩滑，但麵對我來說有點鹹，如果甜味多點咸唔少點我會更喜歡。這個樽仔奶茶是用玻璃瓶裝的，如果不開封可以保存到樽底的保存期限，大概兩個禮拜。如果開封就最好一兩天喝完。奶茶很順滑，不會太甜，剛剛好。店員說這個奶茶放了三種奶，我覺得奶味和茶味比例剛剛好很好喝！茶王冰室還是奶茶最好喝！喝完奶茶不要把玻璃瓶丟掉，可以用來做花瓶哈哈！

咁啱今日又喺中環做瑜伽做之前想食少少野發現原來呢度都有一間茶王冰室之前同朋友喺旺角食過嗰間飲過果個奶茶念念不忘呢間分店原來係專做外賣個鋪面唔算好大 但係裝修都好精緻其實都有位俾人堂食 不過我諗中環啲人咁忙專做外賣都係一個唔錯嘅選擇牆上面有好多樽仔奶茶我估係唔同份量嘅奶 唔知多奶啲會點呢我同朋友嗌左個常餐 有牛油方包火腿炒蛋同埋一個叉燒通粉個包都好鬆脆 叉燒都好入味以為份量好少但係其實都好飽另外仲叫咗個瑞士雞翼撈公上面仲有隻太陽蛋 篤爆個蛋啲蛋汁流晒落去個面度再撈埋一齊食真係好好食 另外仲有一碗好大嘅湯可以撈埋個面食另外因為係下午茶所以就叫埋個抹茶西多士個西多士中間夾左一層綠茶餡唔算好甜 唔中意太甜嘅人應該會好中意野飲方面當然唔少得佢嘅樽仔奶茶茶味好濃又唔會好澀 朋友叫左熱奶茶聞到好香 佢都話好滑出餐都好快 如果趕時間 呢個都係一個好選擇！

香港奶茶聞名中外, 相信大部分香港人由細飲到大,  十年前為咗飲杯奶茶王可以特登出屯門洪水橋茶記食個tea, 今日同樣為咗2019年新鮮出爐嘅金奶茶王~ 梁師傅出中環中心的茶王冰室食tea。樽仔凍奶茶由金茶王梁師傅主理的奶茶沖好後原汁原味入玻璃樽， 再放雪櫃冰鎮， 不經冰粒稀釋味道的冰鎮奶茶， 茶味更香濃, 也滑口非常，夠冰凍， 甜味適中，正！話時話…….飲呢樽奶茶好似隊緊酒 下午茶餐 ~ 炸雞髀配沙律經典組合, 醃至入味的雞髀即叫即炸, 色澤金黃, 真係秀色可餐, 怕外賣盒焗到我隻雞髀皮唔脆口, 還是選擇在冰室提供的長BAR 枱食埋先走雞髀炸得皮脆肉嫩, 雞髀肉汁豐富, 唔會炸到乾爭爭, 醃得入味, 很香口。傳統茶記甜酸沙律, 內有生果粒/粟米粒/甘筍粒, 酸酸甜甜很清膩， 炸雞髀絕配。順帶一提， 茶王冰室鼓勵回收奶茶樽循環再用， 只要洗乾淨奶茶樽回樽便可儲印仔， 儲夠10個印仔送飲品一杯，奶茶樽經消毒後可重用， 支持環保， 讚！

收到風茶王來左中環，今日過開呢邊，一於來試吓😎舖頭唔係好大，而且以外賣為主，有少少立食位置，不過講乜都假，最緊要食物質素掂唔掂先🤪客人可清清楚楚睇到佢哋製作食物，將香港茶檔精神搬咗上商場，保留到香港特色，而且加添左另一番風味😍主打茶餐廳經典食品，而且定價都係接受範圍，今次特別想試吓嘅就係佢哋嘅招牌奶茶☕️樽仔奶茶（跟餐㗎加$20），好似一個酒樽嘅玻璃樽，仲有封條封住，感覺上好矜貴😍😍😍而且響應環保，有回樽計劃，儲齊一個數量就可以免費換領飲品一杯，不過個樽仔咁靚，我就perfect 將佢據為己有🤗🤗🤗一路行一路欣賞下，好鍾意佢呢個設計，好有誠意，而且茶味香濃，飲到個茶底好靚，奶亦好香滑，不愧為得獎奶茶王🏅仲有佢呢個招牌沙嗲牛肉煎蛋出前一丁$54，佢哋啲沙嗲牛肉真係好入味，仲有隻靚靚煎蛋，加埋出前一丁，仲有包麻油，真係睇到都流晒口水，喺中環呢個價錢，食到自己鍾意食嘅味道，實在係太滿足了🤗🤗🤗