小王牛肉麵 (Closed)

唔係第一次嚟小王食，之前晚飯感覺麻麻，但今次同同事兩個嚟食個lunch又另眼相看～12點9度去到，拎咗飛仔，預咗等好耐，點知兩、三張枱就到我哋，坐咗喺面壁位，但又幾好喎，仲清幽啲添。 一人梗係叫碗牛麵先，見到每日特飲，天氣熱辣辣又叫咗杯凍珍珠奶茶！畏食嘅我哋不滿足於此，仲嗌咗個一口鹽酥雞～ 我嘅牛腩粗麵腩肉鬆軟，肉味濃，啖啖藥膳湯底，每一口都感動味蕾～鹽酥雞更是不得了！$28竟有8雞件，乾身脆口不油膩，一個字「抵」！整體感覺良好，會再嚟！