上海婆婆 (新都城中心) (Closed)

這間上海婆婆，屋企話搵間舒服d既傾下計，見到呢間環境都幾好，座位舒適，重要是聽講食物質素唔錯，就帶屋企人試下。這裡餐牌都幾靚，望落都幾吸引，經過店員既介紹，就決定左叫幾味小菜。首先要介紹的是上海粗炒，味道不俗，不算太油多，肉與菜的比例合適，粗麵將醬汁吸入味，分量充足抵食。另外，花雕醉雞更值得推薦，肉質爽滑，沒有太多酒味令雞肉變苦，味道較得剛剛好。清炒蝦仁，爽而不膩，啖啖肉，啱哂我哋鍾意食蝦又懶剝蝦殻嘅人。婆婆擔擔麵簡直是我的至爱，味道香濃嚟，又不太辣，很適合怕辣人士。當然一個開心晚餐唔少得叫個好味既甜品，最後叫了個香蕉高力豆沙，清甜不膩，可以食多個。