一君士多 (Closed)

今天經過尖沙咀，見到一君士多，知道係一君開的，見價錢合理，當然要試下啦。個menu豐富，有普通車仔麵，有特式車仔麵, 有特式的飯、不同特飲等。我地兩個人叫左2個三餸車仔麵。我果碗有豬紅、牛筋及雞翼配粗麵。朋友果碗就係紅腸、豬皮、豬腸配油麵。我們叫了清湯，已經好濃呀，好正！另外，我們叫了3個小食，包括蝦餅，章魚丸子及蘑菇芝士釀雞翼。蝦餅好脆口，章魚丸和我們平時食有啲不同，可能係榨過。最好味係釀雞翼，熱辣辣，龍龍嘅芝士同蘑菇在餡裏，絕對值得推介。