得龍大飯店 (Moved) New Location

好友"為食狼"搞飯局，帶我地去新蒲崗既"得龍大飯店"食出名小菜 ！我地準時7:30pm到達飯店，一行二十人，分成兩圍枱食，朋友多著數多，自然試到唔同既小菜 ！"為食狼"預先定訂金錢雞及太爺雞呢兩味必食名菜 ，認真醒目 ！我地呢枱點左11個小菜 ……1.冬瓜盅 : 大熱天時當然要點個冬瓜盅來消下暑喇 , 材料有切片冬瓜、瘦肉粒、蝦仁等，相當清甜可口！2.金錢雞 : 預先一分為二，每人食半份剛剛好，由薑、叉燒、雞肝、豬肉等組合而成，層次豐富，一啖咬落去, feel到雞肝溶化落d叉燒豬肉度，油潤滑嫩既感覺巧 ！米睇佢油淋淋咁，食落去又唔覺得油膩喎！3.椒鹽鮮魷 : 外層薄脆，内層肉厚鮮嫩！4.大良炒牛奶 : 牛奶比較實，唔夠幼滑，呢碟失色了！5.百花蝦多士 : 蝦膠鮮香，多士酥脆可口！6.太爺雞 : 雞肉超嫩滑！7.芝士脆皮豆腐: 炸脆皮巧薄身，豆腐滑溜溜，點上輕盈既芝士汁來食，好好味！