泗益

Open Now

Now Closed

唔知幾時某君話要行去赤柱，難得今日大家得閒，又秋高氣爽風和日麗，唔出發點得😎 我地由大潭水塘出發，大約行2個鐘就到舂坎角，之後行多大約30分鐘就到赤柱廣場✌🏿😌到咗赤柱，某君話想食佢由細個已好想試嘅西多士，既然咁，當然要去會一會佢啦。唔知係早吖定係香港氣氛問題，無人排隊，我地等一枱大約5分鐘就有得入座，仲叫咗個椰青啷下口，清甜解渴，$35蚊個，幾抵👍😀😀咖央西多士 $30>即叫即整，見住老細一層一層咁搽啲打過嘅蛋白漿上塊方包再炸，新鮮熱辣香噴噴>外表靚仔金黃，仲要切定，啱晒我依啲懶鬼>口感偏腍，唔係好覺脆亦偏油>味道咖央椰味幾香，但略為過甜==================推介指數 🌕🌕🌕🌗🌑食完我地做下遊客行下赤柱，早幾個月睇過電視話赤柱依傢少咗好多遊客，啲舖頭都𢴇咗好多，今日嚟到真係真正感受到個種冷清。人係有，但比印象中真係少咗好多，赤柱大街都有唔少店舖拉咗閘，但咁有咁好，可享受一下大家久違的寧靜，回一回氣。