泗益

Open Now

Now Closed

泗益赤柱赤柱市場道2號地舖遇上好有性格既老板娘 真係要very attentive!下晝先有西多食 所以我地就只係食左早餐飲茶走通粉係有坑既通粉 但煮得比較淋身 冇咬口 而且湯底好淡冇咩味 食到底先有少少咸味 懷疑未搞暈

極少寫食評今日一行五人行完山之後去咗呢一間聲稱好出名嘅舖頭朋友話平時排晒隊去到諗住叫公仔麵嗰啲，但係呢樣冇嗰樣有冇仲要俾一個中年女人串 講咗三次，你哋都聽唔到其實佢從來冇對住我哋講邊啲餸冇 邊一個會聽到佢講咗三次態度10分十分之差 簡直令人作嘔於是我哋淨係叫咗一份西多同一杯凍檸茶喺隔籬車仔麵檔度食呢一份西多簡直顛覆我哋對西多士嘅認知 凡西多係朔晒油得油味 我哋五個人都食唔晒一份西多，因為真係太難食原來OpenRice已經好多人投訴呢間嘢態度差建議絕對絕對唔好幫襯

想受下氣可以去食，老板娘態度真係差，見赤柱有聖誕市集，帶埋小朋友去行下，順便食下西多士，我地排咗半個鐘，生果檔老闆話可以入去車仔麵檔食麵，再叫士多，咁咪入去麵檔，點知冇位，咁就行返出去，繼續排西多條隊，點知老板娘係小朋友面前吃咆哮，出返去排隊，係成個場都望住我地，嚇親啲小朋友，係生果店老闆話入面有位，我地先行入去，等多陣，麵檔有位，入咗去食麵，再叫西多，西多話等20分鐘，等左20分鐘之後叫我先生去睇下有未，已經有，但佢唔俾我先生拎，要我出去拎，重大大聲同我先生講，又唔係你俾錢，又話有就叫你拎架啦，企住係到，個老板娘真係問一句都會鬧，但真係冇必要，完本同小朋友開開心心行下街，食下野，最後會變成一肚氣，而西多士都十分普通，超多油，塊包係浸滿油的。

總共叫咗沙嗲牛肉麵，熱奶茶，西多士。員工落單唔抄低，就咁叫入廚房，漏單追一追就鬧我地冇叫。三樣野食味道都好一般，唔洗試，其實大把茶餐廳質素比佢更好。西多士好出名都真係普通到不得了最慘係入去食野要受氣，隔離枱追西多士又係俾員工鬧，其他人遲落單反而有得食先，追一追都好正常，大家想試要預咗受氣先。收錢個時發現同餐牌價錢唔對，就大大聲話自己加咗價，但落單又唔講，餐牌又冇改，又冇張貼任何提示，總之佢就惡哂。

3月17號去咗赤柱大排檔食咗下午茶價錢相當貴西多士等得太耐員工態度審查以後都不會再去幫襯,以為食下當道風味地方太少狹窄空氣不流通嘢食緩慢朋友都會不再來幫襯謝謝大家！

好耐冇入過嚟赤柱，真係要試吓遠近馳名嘅招牌咖央西多士！招牌咖央西多士係一上枱已經聞到好香蛋香味，而且仲有啱啱炸起嘅吱吱聲！不過因為天氣熱 啲牛油溶得好快，牛油滲落啲西多士入面，令到西多士食落去更加好食同好香！西多士質地外脆內軟，真係好耐冇試過食咁好食嘅西多🤩另外叫咗杯熱奶茶飲，飲落口奶味好香濃，茶底又唔會好苦澀，就咁落去就係一杯正宗嘅港式奶茶，不過飲落就同平時嘅茶餐廳好似冇乜分別！

下午3點前到著都好驚無得食本來諗住試埋菠蘿包 (及所有包類) 都全部賣晒所以只叫了招牌咖央西多士($𝟑𝟎)搭多兩杯熱奶茶!其實去到見到檯檯都係一個人嘆緊奶茶西多士識食既緊係跟啦果然與別不同! 完全唔需要任何額外糖漿麵包外皮煎到脆卜卜炸到起絲入面咖央醬甜度適中剛剛好『我從來未食過咁好味既西多士架架架架!』熱奶茶夠熱幼滑正宗有茶香飲到尾都係熱辣辣特登入赤柱好彩仲有西多士食咋!⭐⭐⭐⭐⭐⭐⭐⭐⭐⭐小編十星推介‼️

好耐冇嚟過赤柱，唔知有咩好嘢食，上OpenRice見到呢一間好出名食西多士嘅茶記，當然要嚟試吓啦～.嚟到梗係要叫佢嘅招牌咖央西多士，一上枱就聞到超級香濃嘅蛋香味，仲有啱啱炸起嘅滋滋聲。好彩佢係最後一個到嘅菜式，所以影完張相就可以即刻食😋 因為好熱牛油溶得好快，滲晒落去西多士入邊，夾心嘅咖央唔會好甜，配埋蛋香味濃嘅麵包，質地外脆內軟，好耐冇食過咁高質嘅西多士！.仲有叫咗個鮮油火腿菠蘿包，從來冇食過呢個組合，非常震撼！菠蘿油就食得多，加埋火腿有少少鹹，跟住凍冰冰嘅牛油同微暖嘅菠蘿包，一試難忘嘅味道！同埋好好彩我哋啱啱好叫到最後一個菠蘿包，小確幸🥰.飲品方面，叫咗杯熱奶茶，奶味香濃，茶底唔會好澀，係一杯好飲嘅港式奶茶，值得一試。

咖央西多士係即叫即製，老師傅塗滿牛油再放入熱滾的油裡煎炸，上枱熱辣辣，金黃多士面的鮮牛油是神來一筆！黎食要做功課，千其唔好問店家拎糖漿，問了只會比佢串：我地西多係特製唔洗落糖漿的！麵包質感超鬆軟，的確西多士裡面既咖央餡已經有甜味，真係唔洗糖漿都好好味！配返杯酸酸的凍檸茶，凍檸茶茶底同出面茶餐廳不同 ，比$20都比得順氣少少！ 咖西多士 ＄30凍檸茶$20 泗益 (赤柱)赤柱赤柱市場道2號地舖

這是一個暖心的故事🙂，此餐廳永不光顧，皆因食物質素參差，且服務態度惡劣，待客不一。 個日坐低冇幾耐，冇有位年紀大啲既員工就話，想食就講啦，如是者，我地叫左一份西多士，兩碗麵（豬扒麵、五香肉丁麵），加一杯凍奶茶少甜，明白舊式茶餐廳未必鍾意用紙寫低落單，但轉個頭覆單並即場收錢個陣，已經錯漏百出，我地糾正返佢，仲要比佢話。我地同枱另外坐左一對夫婦，一睇就知係熟客，食完先施施然去比錢買單。首先，第一杯凍奶茶率先嚟左，甜到蛀牙；然後碗五香肉丁麵亦隨即送上，呢個時候同枱已經坐左另外兩位新既客人，又係一睇就知熟客，叫晒佢地個名，態度客氣，好快呢一對既客人所叫既食物就隨即送上，而我呢，碗豬扒麵未到，西多士都未到，同行既朋友連碗麵都食埋，而同枱既第二位客人都食埋走埋，先開始上碗豬扒麵比我。 落單系統可謂毫無秩序，連遲嚟外賣既客人叫既西多士，都比我呢個堂食既快。等到同枱既客人都轉左第三轉，都仲係未等到份西多士，真係比錢買難受，等候呢份西多士既期間都好有禮貌咁問啲員工，想問有冇漏單呢？ 前後都問左2次，只係話要啲時間，大佬，同枱都轉左3次客人啦，有咩理由熟客就快上咁多，新客唔係客？ 等到磨滅耐心之

一踏入呢間樸實無華嘅小店，就即刻俾嗰種家常嘅氣氛圍住。冇乜花巧擺設，坐低就即刻點咗份牛腩撈粗麵同埋碗砵仔糕。嗰碗麵，真係咩叫做一絕！牛腩炆得夠曬化開，每啖嚼落去，甘香四溢，完全唔係凍肉嚟嘅廉價味。麵條爽滑得嚟，煮得啱啱好，真係咁滑咁Q，撈埋嗰汁汁，微微嗰點甜，夠晒香，勁正！而啲砵仔糕就真係有驚喜嘅感覺，外層香脆，入口後芝麻嘅香味渾然天成。食物之餘，仲有老闆嗰份心機同熱忱，親切得好似對待自己屋企人咁。實在係種溫馨嘅享受，俾人一種時光倒流返去舊香港嘅感覺。啱晒想尋味舊香港街頭飲食嘅你我佢。結實、香滑、窩心，三個字已經可以形容成個食嘅體驗🥢🥣👌。

呢間係赤柱嘅懷舊大排檔，仲係鐵皮檔嘅格局喺赤柱呢個西式餐廳比較多嘅地方，好難得搵到呢一類嘅大排檔👍🏻招牌嘅咖央西多士雖然好邪惡，但真係好好食🤤呢個西多士蛋香味好濃，中間又有甜甜地嘅咖央醬而且仲配咗一大嚿牛油，牛油鹹鹹地，同咖央醬嘅甜味好配合👏🏻👏🏻沙嗲蛋牛菠蘿包，呢個配搭好特別菠蘿包個皮好脆，入面嘅蛋熱辣辣咁，好好食👍🏻鮮油多雖然唔係啲咩特別嘢，但係入面真係有好大好大嚿牛油，勁邪惡熱奶茶好順滑，而且唔會有苦澀味擺耐咗亦都唔會凝結物飄浮係表面，唔錯唔錯菜式：- 咖央西多士：$30- 沙嗲蛋牛菠蘿：$23- 鮮油多：$13- 熱奶茶：$15味道：🤤🤤🤤🤤🤤/5性價比：🤤🤤🤤🤤🤤/5

赤柱環境優美，擁有迷人的海景和自然風光。名物蛋香西多士的店舖位於赤柱，泗益是外國餐廳林立赤柱裡的少有的清泉小排檔,  是一間50年老字號的鐵皮茶檔,  而且服務態度友善，員工熱情有禮，迅速處理客人的點餐和服務需求。它的蛋香西多士更已經成為了赤柱名物,  其價格相對合理，符合其提供的食材和烹飪水平,  而且它們提供的份量足夠飽足，是物有所值的美食體驗。🧇 咖央西多士 HKD$30赤柱名物蛋香西多士以其香脆的外皮和濃郁的蛋香味道受到廣大食客的喜愛。咖央西多士外皮煎至金黃酥脆，口感香脆可口。多士充滿著濃郁的蛋香味，每一口都散發著誘人的香氣。多士中的夾心料理豐富，可以選擇不同的配料，如火腿、芝士或午肉等，增加了口感的層次感。配料的新鮮度和質量都很出色，提供了豐富的口感和風味。多士的份量適中，既能滿足飢餓感，又不至於太過沉重。

Looking for a delicious and unique breakfast experience in Hong Kong? 🤩Look no further than Si Yik （泗溢） in Stanley, where you can indulge in their amazing Hong Kong style French toast. This local gem takes the classic French toast to the next level by coating thick, fluffy bread in a sweet egg batter before deep-frying it to golden perfection. 🔥The result is a crispy exterior and a soft, pillowy interior that's simply irresistible.But what really sets 泗溢's Hong Kong style French toast apart is t

前排去赤柱玩，聽說呢間店好出名於是決定排隊一試，叫咗一個沙嗲牛肉麵，一個紅腸麵，兩杯凍奶茶同佢地最出名嘅西多士。上一檯走咗唔夠三秒，有個婆婆已經好燥底咁抹檯叫我地入座，我地好聲好氣咁問佢拎個餐牌想指住黎叫野食，佢就好唔耐煩好惡咁塞個餐牌俾我地，大叫拎住啦，我個friend都聽到呆咗。唔明白點解態度可以咁差咁冇禮貌，真係花錢買難受。個麵黎到其實同自己煮嘅味道冇咩分別，我諗都係味粉加水，而我最期待嘅西多又多油又有好大陣油饐味，十分膩嘅多士，出面隨便一間餐廳都可以超越呢間。唯一算正常嘅係杯奶茶，同埋都算平，但唔值得大家排隊去食，十分失望。