Video
Read full review
2009-09-04
14 views
多次經過呢度入去食，但一次比一次差依家都冇去啦咖啡由最初有咖啡香，變到依家冇咖啡香，得燶味，完全over晒其他咖啡都越黎越無水準有次見到佢地加冰水整冰滴，仲話自己要用足九個鐘黎整旦糕又話自家製，結果我可以o係另一間cafe食到完全一模一樣既藍莓同芒果芝士旦糕，仲諗住佢地咁利害，做埋地批發啦，於是問左另一間既店員，先發現原來係嘉ｘ出品。真係冇諗過會咁樣欺騙消費者，仲成日聽到個老細講話自己好有心做間cafe豆腐紅豆芝士旦糕，食過一次之後都冇食過，酸的。後來有機會同友人去，友人試左都話係酸的。店員推介仲有new york芝士旦糕，但又冇咩芝士味，真係有Ｄ不知所謂出前一丁公仔麵 - Ｄ雞翼冇味，根本就未入味都可以拎出黎賣既；其他煎既野就好似冇煎過咁；個麵又好似冇煮過咁，硬到死；最搞笑係個湯底，可以煮到湯底冇湯底味．．．厚多士 - 我懷疑Ｄ生菜蕃茄係普通料（因為冇咩生菜＆蕃茄既新鮮味）；個包好似冇入過多士爐咁，問佢佢又話入過．入過塊包都可以係白色架！環境方面，本身都ＯＫ既，但佢兩隻狗實在係太嘈，叫聲又尖，吠時又冇人理；我個人唔係唔中意狗，但起碼唔好影響食客至得架；有次聽講佢地Ｏ係門口小便．．有廁
依家都冇去啦
咖啡由最初有咖啡香，變到依家冇咖啡香，得燶味，完全over晒
其他咖啡都越黎越無水準
有次見到佢地加冰水整冰滴，仲話自己要用足九個鐘黎整
旦糕又話自家製，結果我可以o係另一間cafe食到完全一模一樣既藍莓同芒果芝士旦糕，仲諗住佢地咁利害，做埋地批發啦，於是問左另一間既店員，先發現原來係嘉ｘ出品。
真係冇諗過會咁樣欺騙消費者，仲成日聽到個老細講話自己好有心做間cafe
豆腐紅豆芝士旦糕，食過一次之後都冇食過，酸的。
後來有機會同友人去，友人試左都話係酸的。
店員推介仲有new york芝士旦糕，但又冇咩芝士味，真係有Ｄ不知所謂
出前一丁公仔麵 - Ｄ雞翼冇味，根本就未入味都可以拎出黎賣既；其他煎既野就好似冇煎過咁；個麵又好似冇煮過咁，硬到死；最搞笑係個湯底，可以煮到湯底冇湯底味．．．
厚多士 - 我懷疑Ｄ生菜蕃茄係普通料（因為冇咩生菜＆蕃茄既新鮮味）；個包好似冇入過多士爐咁，問佢佢又話入過．入過塊包都可以係白色架！
環境方面，本身都ＯＫ既，但佢兩隻狗實在係太嘈，叫聲又尖，吠時又冇人理；我個人唔係唔中意狗，但起碼唔好影響食客至得架；有次聽講佢地Ｏ係門口小便．．
有廁所我覺得係好，方便到我地Ｄ食客，但．．．佢廁所真係好臭．．．
冷氣又好似冇開咁，大熱天時入到去，都好似熱過出面，咁既餐廳都真係第一次見
洗唔洗省電省成咁？
至於員工知識，呢個仲搞笑；我分別唔同日子去，問過咖啡豆
第一次我話想要Ｄ濃味＆唔酸既，老細介紹巴西，咁我試啦；
第二次我話唔想要巴西，但都係濃味＆唔酸，佢介紹肯亞，結果？酸到我阿媽都唔認得
第三次我試下佢，話要Ｄ 酸既，佢又係介紹肯亞，自己身為老細都咁既知識
有冇搞錯
以前去食都ＯＫ先會經過再幫襯，依家真係請我都唔入去，又貴，Ｄ料又唔係好，呢Ｄ細舖O係出面大把，價錢差唔多，但水準係雙倍地好，我真係覺得連Ｐ字頭間連鎖咖啡店既咖啡都好飲過佢
Post