德記大排檔

Open Now

Now Closed

今晚和一班好耐無見既舊同事飯聚，我地一行十三人點左好多菜，食得好開心！呢度既食物質素不過不失，好味既小菜有：椒鹽脆豆腐：豆腐外脆又香，內里嫩滑。乳鴿：頗大隻，肉質鮮味。西蘭花炒斑球：斑球鮮美肉厚，正！雞粥 & 炒麵：雞粥幾棉但味較淡，炒麵有鑊氣。鴛鴦炒飯：炒飯底已炒得香，蕃茄的那邊好味些。上面既茨汁多，如多些炒飯撈埋一齊食會更正。其他小菜還有西芹炒田雞，椒鹽九肚魚，西檸白鱔，炒白菜，金銀蛋莧菜和豉椒炒蜆，這些我就麻麻地喜歡食啦。呢度既食物質素和衛生環境都比沙角大排檔好，我最怕沙角那兒勁污穢不堪既椅子！Anyway，希望好快又有大飯聚啦！