青葉海鮮酒家 (佐敦道)

Open Now

Now Closed

今次同屋企人試新酒家，試咗幾個特別嘅菜式，其中一個焗叉燒需要預訂，特別之處係中間夾住鹹蛋，叉燒煮得好淋，鹹蛋嘅鹹香味配埋叉燒好夾。另外蝦多士亦都好出色，炸得非常香脆，而家唔多地方有懷舊蝦多士食。亦點左雞，雞肉非常滑嫩，有驚喜，我哋一行10人好快就清晒隻雞。奄仔蟹需要提早預訂，奄仔蟹上面加咗爆香咗嘅蔥同埋蒜頭，非常惹味，奄仔蟹嘅肉質鮮甜。糯米飯用上咗臘腸蝦米等配料炒香，一上枱已經聞到好香嘅味道，糯米飯飯粒分明，軟硬到剛好，有驚喜。