友聯發燒爉小廚茶餐廳 (Closed)

自從君旺燒臘因舊區重建執笠後，一直係紅磡都搵唔到間好食燒味 。今日突然好想食燒味，而且今晚起碼十一點幾先食晚飯，唯有四圍逛，睇睇有無燒味食啦。路經友聯發，是鬼旦試試啦，真係一失足成千古恨呀 ﹗真係要停一停再諗一諗 ﹗實在太可怕喇 ﹗從來未試過想快快食完走人架 ﹗一路食一路冒汗。張枱黐笠笠、地下滑潺潺、匙羮油淋淋、牆身餐具鋪滿麈、螞蟻係枱上面行黎行去 ﹗後門打開時，一陣強烈異味直衝腦部，救命 ﹗樓面阿姐仲好意思係我背後鬼食黎話我爛乾淨 ﹗大嬏呀，個餐具櫃桶鋪晒塵，我一攞起支匙羮油淋淋，又有黑點又有漬，比著您會唔會唔抺乾淨放入口呀？﹗剛好有卡位，雖然要同叔叔搭枱，無緊要。點解張枱油淋淋又污糟又滿佈飯粒架 ？仲要有蟻爬黎爬去添。無員工清潔 ？雖然我好鍾意唱許霆鏗螞蟻隻歌啫。其實睇吓個 menu 都幾吸引架，食物包羅萬有，款式眾多，又有燒味食，但係衛生環境實在太惡劣，我從來未試過有想離開既衝動 ﹗有個年長啲既嬸嬸侍應見我耐心睇menu仲主動推介話晚飯好多小菜食架，有時間落黎試吓啦。多謝嬸嬸一番心意，我當時真係有點滴汗，只好回應兩個字，好呀。除左張枱牆身櫃桶污糟、枱面有蟻、匙羮筷子油淋淋外，連酸