餃掂手工餃子雲吞專門店

好耐無食餃，收工捉咗舊同事陪我去灣仔食餃🥟談心，齊齊訴一下工作的苦。今日落大雨🌧，店舖難得唔係好多人，啲姐姐心情好好非常Nice，蘿蔔前菜都大兜d我地最後叫咗：龍鳳松茸餃粟米豬肉湯餃蜜餞雞翼椰菜豬肉湯餃四川涼皮 -今次過到嚟冇咗我好鍾意食嘅麻辣豬肉餃有少少傷心，好彩我每次嚟到都必點嘅粟米豬肉餃都仲喺度。-香香甜甜嘅粟米豬肉餃咬落去非常多汁，而且佢哋嘅粟米唔係罐頭味，而係新鮮粟米嘅味道。椰菜豬肉就口感比較爽脆一啲，都唔錯。龍鳳松茸餃一黑一白嘅黑白配組合，雖然白or黑松露都唔平，但係餐廳落得夠重手，松露迷值得一試，配搭佢哋自家製嘅狀元九鼎湯，則更顯心思及獨特，出面冇乜地方食到呢個口味。小食方面蜜餞雞翼半甜半鹹，肉質柔嫩，令人不能自拔。四川涼皮則清爽中帶辣勁，煙韌彈牙，口感甚佳，每次都係佢同埋四川涼麵之間掙扎許久。