Video
Read full review
2022-10-07
616 views
出咗成日街，去到銅鑼灣好想食日本拉麵，喺open rice搵到呢間睇落好正氣嘅拉麵店就膽粗粗入去試下，話晒都好鍾意食拉麵。一坐低見到係冰水而唔係熱茶就好感度大大提升，而且店員服務態度十分良好，即使我點餐太興奮時倒瀉水，店員都好好態度幫忙清理。講到拉麵，十分推介赤骨湯拉麵（前提要食到辣），小妹食過好多辣嘅拉麵，呢間真係可以話數一數二勁好食嘅湯底。不但可以選擇咸度、濃度，仲有好多小配料任君選擇，十分個人化。不得不提佢個秘製炎之醬，可以按個人喜好揀辣度，令個湯底再度昇華。整體而言，呢間拉麵店真係值得一試，試完會上癮，已經好想再食多次，而且聽老闆講，有時早賣晒就會提早關門，所以想去試嘅朋友要留意佢哋嘅ig 啦～最好就早少少去食啦🥳
一坐低見到係冰水而唔係熱茶就好感度大大提升，而且店員服務態度十分良好，即使我點餐太興奮時倒瀉水，店員都好好態度幫忙清理。
講到拉麵，十分推介赤骨湯拉麵（前提要食到辣），小妹食過好多辣嘅拉麵，呢間真係可以話數一數二勁好食嘅湯底。不但可以選擇咸度、濃度，仲有好多小配料任君選擇，十分個人化。
不得不提佢個秘製炎之醬，可以按個人喜好揀辣度，令個湯底再度昇華。
整體而言，呢間拉麵店真係值得一試，試完會上癮，已經好想再食多次，而且聽老闆講，有時早賣晒就會提早關門，所以想去試嘅朋友要留意佢哋嘅ig 啦～最好就早少少去食啦🥳
13 views
0 likes
0 comments
Post
