譽宴 (Closed)

香港人至愛食海鮮，加上韓風一直未停，海鮮九層塔一黎到香港，即刻大受歡迎。不過，價錢偏貴，所以一直未往一試。好彩，身邊有精打細算朋友，居然發現平時去飲先去既酒樓竟然有海鮮塔，仲要8位用只係$1988，當然即刻call齊人一試龍與鳯la~一上台，絕對先聲奪人，份量十足，見到都開心！第一層:龍蝦+海蝦每人半隻龍蝦，蝦都每人十幾廿隻！而且好新鮮，無霉蝦出現！第二層:象拔貝+大蜆每樣一人一隻，新鮮，唔"un"，超甜！第三層：蟹+扇貝蟹多羔，唔水，好食;扇貝大大隻唔"un"，正！第四層：多寶魚肉滑少骨，不過呢種魚比較淡魚味，ok la~第五層:蜆＋翡翠螺＋東風螺＋青口＋鮑魚仔全部都好鮮甜，而且蒸左咁耐都唔會過熟，不過由於已經食得太多野，亦都怕胃痛，我只係食左少少。第六層:海鮮湯入面有蝦有蜆有菜有豆腐，食左咁多海鮮，飲番個湯暖下胃，正！總結：鍾意食海鮮一定、一定、一定(好重要，所以要講3次) 要試！