御希大排檔

Open Now

Now Closed

香港除左出名打邊爐外，大排檔美食亦都係大家喜愛既食物，而今次去佐敦既御希大排檔就有齊呢兩種選擇，除左有10款既火鍋選擇外，仲有好多出名既配料不過，今次黎既目的係食大排檔美食；未入到去，每個職員都好熱心咁打招呼同埋邀請我地入去揀野食，舖頭有室內室外選擇，當日見到好多食客都會選擇坐係室外傾計，雖然係露天，不過舖頭有大風扇吹住，所以都唔會太熱同有蚊睇完餐牌後就叫左三道菜：豉椒炒蟶子，馬拉盞通菜煲，西蘭花牛柳粒；等左唔洗一陣，啲食物好快就黎齊，碟碟都好大份，而食物同醬汁都十分夾，味道一流，最出色既係馬拉盞通菜煲，平時都係辣豬肉炒通菜，不過今次呢一份就加左好多料，有鮮蝦，乾蝦，豬肉同埋鮮魷，味道出名外，亦都大大份，值回票價。十分推大家經過就黎試一試，保證唔會失望。