相馬日式火鍋 (Closed)

今日過嚟相馬食火鍋放題晚餐，任食120分鐘。在一個甜醬油湯底，咁就大人細路都食得，而且我覺得甜醬油湯底，用嚟煮肉的味道更加甜👍。晚市120分鐘放題套餐有送一份比較高級嘅牛肉，美國特選牛肩胛，脂肪比例均勻，肉味濃郁。除咗呢隻牛之外，其他牛肉🐂，豚肉🐖及雞腿肉🐓，都係任食嘅，食肉獸都唔驚唔夠肉食。除咗肉之外，仲可以自己喺自助火鍋吧任拎海鮮，包括日本帶子，青口🦪，廣島蠔🦪，蜆，海蝦🦐，螺肉🐚，魷魚🦑。點會剩係得肉和海鮮？仲有面類，菜類，丸類，小朋友勁鍾意食烏冬麵，烏冬麵同公仔麵，我哋都食唔少。唔想烚住等，都可以喺自助吧拎熟食，熟食都超多種類，有炸牛丸，芝士丸，墨魚丸，粟米🌽，排骨🍖，春卷，雞翼等等，仲有無限飲品及雪糕🍦甜品！