麻神麻辣火鍋 (Closed)

係網上見到Hello Pinkey的介紹，見到好似幾好味~而且comment仲有優惠，滿$300減$100，咁就成家去食啦!剩係睇介紹都好吸引，黎到麻神.....環境唔錯，好大，座位唔會好逼，成家人黎兩個大人同兩個中童，坐得都舒服。望兩望餐牌，超多選擇，除左肉、仲有丸、餃、海鮮咁....款式好多。最後我地叫左個麻辣鍋拼花膠雞鍋....呢個鍋真係好正好足料，佢個花膠雞，超濃郁，真係有雞有花膠，超好味!麻辣唔算太辣，係好香麻味，入口係少少麻味，辣味不會太重。而食物就叫左都幾多款，牛小排、豬肩胛肉、牛頸脊、元蹄根、蛋餃、雲吞、炸魚皮、午餐肉、果凍鴨血咁.....真係成台都係食物好豐富，先講d質素，食物係新鮮幾有質素.....個牛小排好讚，牛肉味濃，又唔韌，有口感得黎好味，加埋個麻辣湯....正。炸魚皮係必食gei邊爐食物，一浸一索，全部汁入口，好滿足!個雲吞又係讚，皮薄餡靚，超厚身又大粒，好足料。而個牛頸脊呢，又係跟麻辣湯最正，佢好多雪花，食落啖啖牛香。牛雖然咁好味，但其實個豬肩胛肉都好正，口感軟嫩有嚼勁!另外仲叫左野飲，呢度有熱飲同特色飲品架.....個菠蘿勁好味!我地4個人食勁多野，但好