上海婆婆336 (Closed)

老人家熱愛食中菜，包括我一對老寶貝 – 公公同婆婆。公公係上海人，佢對佢小時候食的家鄉上海菜念念不忙，成日講當年佢既老工人煮的上海菜非常美味。我知道佢屋企附近有間上海婆婆336，所以今次帶著兩個老寶貝去填補下佢哋小時候懷緬既感覺。入到去，地方同座位都夠闊落，兩個老人家都坐得舒服。之後依兩個老人家叫到一枱都係，有花雕醉雞、無鍚脆鱔、砂鍋粉皮魚頭湯、乾煸四季豆、香蕉高力豆沙、白飯同蟹粉小籠包。所有賣相都十分精緻，份量不算太多，所以可以叫多點不同款式既食物。花雕醉雞﹕一碟冷盤，全碟是凍冰冰的，雞排得十分整齊，雞旁是花雕汁，雞面上灑了一些杞子。雞肉腍腍的，凍凍的，食落口已感到雞與花雕汁醃了一段時間，味道可口。但奈何愛飲喝酒的公公覺得須再濃點喎。我係諗，如果跟你要求，人人應該食完便醉。無鍚脆鱔﹕我是第一次食依碟餸，像是鎮江排骨的煮法，炸脆了的鱔魚配上(估計係)鎮江香醋，味道酸味味的，口感脆脆的，其實配上啤酒會更一流，一對老寶貝不停放入口。蟹粉小籠包﹕應該係即叫即蒸，上枱後要等一陣先可以放入口，用筷子夾起，皮不易穿，暫沒有汁漏出。雖然等了一陣先食，但個小籠包仍然好熱，我哋只好一小口一小口咁食，咬了