小南國 (Closed)

11月，一年一度既大閘蟹宴又黎喇! 往年都係去開東海360食既，但係睇雜誌無意中見到小南國都有大閘蟹，價錢仲平過東海 (渣打卡有折)，緊係試下小南國啦!上到黎北京道一號既小南國，我地有懷疑過呢度係咪真係有得食蟹架!? 因為呢度裝潢實在豪華，燈光昏暗，似係fine dining! 見到d客人都係外國人或者係公司gathering，得我地呢枱用手食蟹好似有點兒那個! 一坐低左就裝下前面枱食咩，好彩都有一枱都係食緊蟹，咁我地都放心d! 我們一行5人，因為套餐得兩人餐或者四人餐，我地單丁左一個，所以叫左個四人餐再另加雲吞雞、蟹粉小籠包同薑茶湯圓各一碗。四人餐有: 雲吞雞、每人兩隻大閘蟹、外婆紅燒肉、蟹粉豆腐、蟹粉小籠包、豆苗、薑茶湯圓雲吞雞 - 每人有兩粒雲吞+一隻雞翼，雞翼唔係雪藏架! 大閘蟹 - 算多蟹膏，不過個醋好似無東海戈個咁香，同埋佢一次過上哂全部所以食完第一隻，第二隻已經凍左。外婆紅燒肉 - 本身唔係好食肉，所以食左一件就無食，雖然肥膏痴住舊肉，但係一d都唔覺肥膩。蟹粉豆腐 - 味道偏淡，可能之前食得濃味，蓋過左蟹粉豆腐既味道，唯有自己加d食蟹既醋吊吊味。蟹粉小籠包 - 好多汁!