莆田 (PopCorn 2)

Open Now

Now Closed

連續七年獲得米芝蓮既莆田既大閘蟹節又黎啦，見到佢既大閘餐menu都幾吸引就試下食佢啦！熟醉大閘蟹 $138出乎意料地原來係凍食，非常好食。酒香味特濃，味道偏甜少少，更加能夠帶出蟹膏既鮮味，肉質都鮮甜彈牙。普寧豆醬焗鰻魚 $118鰻魚切得好厚身，食落口感厚實Q彈，鰻魚本身油脂豐富，魚油香味好出，加埋豆醬既微咸，非常好食！咸香黃花魚 $88黃花魚炸到十分香脆，連魚骨都可以食埋，當小食前菜食真係食到停唔到口。福州風味紅糟雞(例) $98原來紅糟既顏色係咁鮮艷，帶有少少糟香，雞肉嫩滑入哂味，拎哂送飯一流。