大家樂 (Moved) New Location

天氣漸涼，又係打邊爐既時候。對於我呢類懶人黎講，快餐店既火鍋就係我杯茶啦。話說大記出左個新既鮮茄龍蝦湯，好似好吸引。咁呢晚有時間，就過左黎食。湯底呢個龍蝦湯算幾鮮甜，好有蝦味。而且不乏蕃茄味，個湯黎打邊爐真係唔錯。不過我細佬都係覺得豬骨湯先係皇道。配料講真，年年都係差唔多。講番例牌野，肥牛肥瘦均勻，算係預測之內。而豚肉既質素都唔錯，比我預期既好。但我都係鍾意食肥牛多，始終佢係我杯茶。每年都有新野既，好似係布袋豬肉丸。即係豆卜釀上豬肉之作，呢個出品都唔錯，幾得意架。而其他野，好似係蝦滑，都算幾新鮮入味。去到最後，點都要整個烏冬食下，做個美好既作結啦。另外，想提下醬汁。除左辣椒同醬油之外，仲有個芝麻醬點牛肉，呢個同牛肉真係好夾架。飲品今年新出鹹檸檬雪碧，飲落好清新。鹹檸既味道好重，而且飲落好舒服，絕對係打邊爐既良伴。整體上都幾好，服務真係唔錯。加水加得及時，而且野食都唔錯，無乜野可以挑剔。