Video
Read full review
2021-08-22
525 views
話說友人A最近搬左去何文田～ 大大力同我講呢間新冰室好好食（培正小學斜對面，香港九龍維景酒店隔離）～ 話間嘢開業一個禮拜，佢就食左兩晚～ 要叫埋我同友人B 過去陪佢食第三晚..一入去就發現間茶餐廳裝飾有別於一般茶記冰室，有小盆栽、書、帆船、saxophone 等等做裝飾，感覺好Modern ~ 顛覆左傳統茶記冰室既老舊死板，感覺似一間cafe 仔多啲，唔知老闆係唔係後生仔呢～話說回來～講返味道先！睇吓有乜野神仙味道，令友人A一星期要食足三晚咁誇張。..麻辣薯仔雞煲 （我叫加辣版）- 惹味之選，配飯一流！😋😋😋😋😋一上枱香味撲鼻，內有薑片、洋蔥、蒜頭、蔥、辣椒，三色椒等佐料。件件雞都掛上醬汁， 不多不少，味道足，唔味精，無死咸，微辣，每件雞件都嫩滑濃香，香辣惹味，同白飯絕對係絕配。由於個小菜名叫麻辣雞，我就就覺得麻味差咁啲喇，呢到會扣少少分。其他我都比5分！但整體味道確係一流！順帶一提，我來身係食譚仔大辣/勁辣，所以加辣對我黎講都係BB辣。如果你食開譚仔3-10小辣，呢款都食得到。 ..豬油渣炒芥蘭 - 坊間少有，必食古早味！😋😋😋😋😋識食一定係食豬油渣！豬油渣，簡直係係人間罕見的美食之
話說友人A最近搬左去何文田～ 大大力同我講呢間新冰室好好食（培正小學斜對面，香港九龍維景酒店隔離）～ 話間嘢開業一個禮拜，佢就食左兩晚～ 要叫埋我同友人B 過去陪佢食第三晚
.
.
一入去就發現間茶餐廳裝飾有別於一般茶記冰室，有小盆栽、書、帆船、saxophone 等等做裝飾，感覺好Modern ~ 顛覆左傳統茶記冰室既老舊死板，感覺似一間cafe 仔多啲，唔知老闆係唔係後生仔呢～
話說回來～講返味道先！睇吓有乜野神仙味道，令友人A一星期要食足三晚咁誇張。
.
.
麻辣薯仔雞煲
28 views
1 likes
0 comments
麻辣薯仔雞煲 （我叫加辣版）- 惹味之選，配飯一流！
😋😋😋😋😋
一上枱香味撲鼻，內有薑片、洋蔥、蒜頭、蔥、辣椒，三色椒等佐料。件件雞都掛上醬汁， 不多不少，味道足，唔味精，無死咸，微辣，每件雞件都嫩滑濃香，香辣惹味，同白飯絕對係絕配。
由於個小菜名叫麻辣雞，我就就覺得麻味差咁啲喇，呢到會扣少少分。其他我都比5分！但整體味道確係一流！
順帶一提，我來身係食譚仔大辣/勁辣，所以加辣對我黎講都係BB辣。如果你食開譚仔3-10小辣，呢款都食得到。
.
.
豬油渣芥蘭
22 views
0 likes
0 comments
豬油渣炒芥蘭 - 坊間少有，必食古早味！
😋😋😋😋😋
識食一定係食豬油渣！豬油渣，簡直係係人間罕見的美食之一。 入口輕輕一咬，小小一舊豬油像噴泉一樣，油脂芳香係口腔內湧出，果種獨特嘅的酥油香，簡直令本來平平無奇嘅芥蘭味道多左層次，呢種絕對可以話港色古早味丫！ 連本身唔鍾意食菜既我都食多兩舊，扒多啖飯！
.
.
鐵板蒜蒜汁羊架
20 views
1 likes
0 comments
鐵板蒜蒜汁羊架
😋😋😋😋
鐵板羊架揀左配焗薯，好過食薯條油淋淋、淋吱吱，焗薯成件事健康好食好多，再者成舊薯仔，睇得出用料講究實在，真係落足本！
講返舊羊先～成兜多爆蒜蓉嘅蒜蓉汁倒落鐵板時滋滋聲，香味四溢。舊羊肉既肉質無得輸～ 咬落唔係死淋，成件事係有口感，中間肉質做到保持軟腍有彈性之餘富羊味，juicy 多汁，完全無鬆肉粉果啲入口霉爛既一Pat Pat口感，真係無諗過茶餐廳可以食到咁高質嘅羊架既！抵讚
.
.
避風塘茄子
15 views
1 likes
0 comments
避風塘炸茄子 - 啤酒好拍檔
😋😋😋😋
食炸茄子，我個人最怕就係成口油，所以我好少揀茄子黎食。不過友人A話好好食，唔油夠惹味，叫我比次機會茄子喎～果然入口唔油淋淋，唔會有芒喉感覺，茄子本身軟糯，配外層裹上薄粉漿，酥脆香口，做到外脆內軟再加埋避風塘啲炸蒜的香脆，多種滋味在脷尖上層層綻放，即刻order杯啤酒，一口避風塘茄子一口啤酒～正正子 唔怕卡路里嘅～值得一戰啦！
.
.
整體黎講：以前我係土瓜灣住，何文田讀書，我就真係成日食茶餐廳冰室喇！試過好多間～ 我個人覺得，力天冰室暫時係我食過同區最高質、最有heart 嘅Modern 茶餐廳冰室～ 希望佢哋可以keep住開業初期嘅優質味道，甚至係味道更上一層樓！ 畢竟keep住品質味道都真係唔容易！ 加油支持小店Btw 呢次唯一要彈一彈嘅係～小菜選擇確係少，只有12款，希望以後會多啲選擇啦！
Post
