Video
Read full review
2022-11-12
924 views
我未曾寫過食評，但今晚係 ～🌟Whey🌟～ 的經歷不禁令我萌生出寫食評的衝動，好希望透過文字同相片可以與大家分享今次美食帶比我的感動。📱<<預約>>本身係網頁預約的時候已經remark 左係 for birthday celebration, 餐廳非常細心，一開始已經問定哂我地有冇food restriction, 仲幫我們係menu 印上 🎊happy birthday to xxx 字樣，感覺受重視，好individualised 👍👍。👥 <<職員>>服務周到就不再話下，每碟上碟前都會詳細介紹食物的源由，又會比時間你拍照📸，最緊要係上菜速度適中，我最怕食野趕頭趕命。🍸<<環境>>今次選擇了坐bar counter, 覺得位置簡得幾好✨；bar counter 同 main dining area 係分開的，餐廳安排左其中一角bar 枱比我地，成程都冇其他客，有種包場的感覺，而且非常靜，可以讓我好好地同朋友傾計；另外坐bar 枱可以望到個廚房，見到各個職員都有條不紊咁出餐，又擺碟又盛，
📱<<預約>>
本身係網頁預約的時候已經remark 左係 for birthday celebration, 餐廳非常細心，一開始已經問定哂我地有冇food restriction, 仲幫我們係menu 印上 🎊happy birthday to xxx 字樣，感覺受重視，好individualised 👍👍。
👥 <<職員>>
服務周到就不再話下，每碟上碟前都會詳細介紹食物的源由，又會比時間你拍照📸，最緊要係上菜速度適中，我最怕食野趕頭趕命。
🍸<<環境>>
今次選擇了坐bar counter, 覺得位置簡得幾好✨；bar counter 同 main dining area 係分開的，餐廳安排左其中一角bar 枱比我地，成程都冇其他客，有種包場的感覺，而且非常靜，可以讓我好好地同朋友傾計；另外坐bar 枱可以望到個廚房，見到各個職員都有條不紊咁出餐，又擺碟又盛，其實幾有趣。除咗張凳上落有點麻煩之外，鍾意靜的你，都不妨可以考慮坐bar 枱🤫。
😋<<食物>>
終於講到戲肉，只有tasting menu 簡（$1450/person, 另加10％），有成十碟菜，份量充足，而且啲食物實在太令我驚喜。講明係 Singapore fusion 菜，創新係大賣點之一。 大廚除了著重食材鮮甜的原味，亦會係每道菜加入不同的味道和口感，豐富整個食感，咬每一啖，都有不同的味道滲出，但又神奇地係口腔入面互相配合疊加😜。
其實樣樣都好好食🤤，但其中幾樣我們特別喜歡：
1️⃣ Dry Curry Laksa Mee 喇沙麵🍜
自家製菠菜麵，本身已經好有咬口，加埋 微辣的咖哩喇沙醬，每條麵剛剛好掛上醬汁，配埋脆口的大澳小蝦乾，同鮮甜的象拔蚌，仲可以自己按喜好加減辣醬，有喇沙熟悉的感覺，但同時口感同味道都係好有新鮮感。
Dry Curry Laksa Mee
52 views
0 likes
0 comments
2️⃣Whey's Brioche 布里歐麵包 配 黑果醬🍞
我真係太太太太喜歡個麵包，外層微脆內面鬆軟，帶有輕輕焦糖味，仔細品嘗又會有少少鹹味做番個平衡，如果有得加麵包，我一定會加 。「黑果」聽職員講係新加坡常用的香料，煮肉又得，整飲品又得，好似好神奇，個包好似都有加埋黑果入去先有咁豐富的味道（？）；個醬幾軟滑，有點似黑蒜，係鹹鹹地和味道較重的，加埋麵包又另一個體驗，雖則個人喜歡剩食麵包多一點。
Whey's Brioche
25 views
0 likes
0 comments
3️⃣ Kinmedai Fish 金目鯛魚🐟
嘩！食完嘩左出來，非常鮮甜又嫩滑，多得廚師用紹興酒浸泡蒸煮魚，先可以製作出咁特別的口感，一點魚肉紋理都唔會感覺到；配埋魚子係你口腔爆開，四個字：脆滑鮮甜！
Kinmedai Fish
89 views
0 likes
0 comments
4️⃣Coconut ice cream 椰子雪糕 🍦
濃濃的椰子雪糕，冰涼的口感，加上口感厚實的印尼千層糕，個底再墊以朱古力脆餅，加埋咖啡cream source，一啖食出多種口感味道，又唔會滯。
Coconut ice cream
41 views
0 likes
0 comments
其實處處都可以感受到廚師的用心同細心，例如知道今餐係慶祝生日之用，會特意係甜品到幫手用朱古力寫碟，人地咁忙，都唔係間間餐廳願意咁做；又例如臨走前，主廚Barry Quek 特意出來同我地道謝，仲非常humble 地話一定要話比佢知邊到有改善空間，可見主廚對每位客人的重視😊。
主廚話12月又會轉餐牌，好勤力，真係誠意十足，包保下次到訪又另一個全新驚喜體驗！如果大家喜歡驚喜，衷心推薦大家去試下，由環境到服務、食物都係超高水平！希望我下次到訪時，可以keep 到水平!!
Post
