魚米 (Closed)

放假日自己一個周圍行食午飯，係周圍都排哂隊等食午飯既香港仔，行行下見到魚米，就抱住香港仔係魚港既心態入去試下香港仔魚米同不同地方既魚米會唔會有分別。一坐底就叫左個原條黃花魚米線，等左唔算太耐就黎到。食米線第一口當然係試個湯啦，淡淡既魚香味，個湯睇落去好濃，但試落唔係特別濃味。米線唔會太淋，都算彈牙，但因為個湯唔算濃既關係，所以食落去唔係好入味，好彩米線上有其他配菜，都唔會話特別清淡。黃花魚炸得幾干身，魚肉都仲係濕潤既狀態，唔會炸到魚肉干哂，食落仲有黃花魚既魚味。食完既感覺係，香港仔魚米同其他魚米係無大分別。