Video
Read full review
2012-07-23
527 views
今日見同事岩岩公幹返黎就約佢一齊食飯,，同事話呢間就去左。差D無位坐坐低卡位後，男友打黎，咁就叫埋佢一齊食囉，我即時同侍應講有多個人黎， 佢對住個hand-free同門口講要加多個。明明話OK，之後突然又俾左一對情侶坐我地對面。我覺得好奇怪：我地3個人坐4人檯，又放多兩個人坐對面，唔通要5個人坐4個位？於是向頭先個侍應反映，佢就既刻卸膊話我地一早冇講, 門口果個唔知經理定大叔仲居然話【無架啦，放左人入黎，一陣你到齊先換檯俾你啦!】。心水清嘅你應該知道一間計時任食火煱店有咩機會多張卡位調檯呢~ 一輪擾攘好彩一對情侶都唔想坐，我地先好幸運地有位食嘢。執檯倒瀉嘢食到一半，隔離檯走啦，呢個時候最鍾意執嘢嘅侍應當然搏老命衝去執嘢，一邊執一邊倒到成地汽水，張櫈同檯當然不能倖免，見佢隨意拎條黑到好似地布嘅物體輕輕將汽水由櫈掃落地，我真係好驚訝，居然污糟到咁食緊都收嘢最精彩嘅一部份而家先黎，男朋友仲食緊，筷子仲夾住舊菇。一個男侍應衝埋黎一手將個碗同檯面所有嘢拿走，期間無一句說話。男朋友好嬲向經理投訴，要求解釋點解收嘢前唔講句嘢投訴無門男友：你個伙計做咩收嘢唔出一句聲, 衝埋黎就收經理：係呀，因為公司對
差D無位坐
坐低卡位後，男友打黎，咁就叫埋佢一齊食囉，我即時同侍應講有多個人黎， 佢對住個hand-free同門口講要加多個。明明話OK，之後突然又俾左一對情侶坐我地對面。我覺得好奇怪：我地3個人坐4人檯，又放多兩個人坐對面，唔通要5個人坐4個位？於是向頭先個侍應反映，佢就既刻卸膊話我地一早冇講, 門口果個唔知經理定大叔仲居然話【無架啦，放左人入黎，一陣你到齊先換檯俾你啦!】。心水清嘅你應該知道一間計時任食火煱店有咩機會多張卡位調檯呢~ 一輪擾攘好彩一對情侶都唔想坐，我地先好幸運地有位食嘢。
執檯倒瀉嘢
食到一半，隔離檯走啦，呢個時候最鍾意執嘢嘅侍應當然搏老命衝去執嘢，一邊執一邊倒到成地汽水，張櫈同檯當然不能倖免，見佢隨意拎條黑到好似地布嘅物體輕輕將汽水由櫈掃落地，我真係好驚訝，居然污糟到咁
食緊都收嘢
最精彩嘅一部份而家先黎，男朋友仲食緊，筷子仲夾住舊菇。一個男侍應衝埋黎一手將個碗同檯面所有嘢拿走，期間無一句說話。男朋友好嬲向經理投訴，要求解釋點解收嘢前唔講句嘢
投訴無門
男友：你個伙計做咩收嘢唔出一句聲, 衝埋黎就收
經理：係呀，因為公司對時間要求比較緊，你地差唔多夠鐘，所以佢收嘢
男友：咁你收嘢講一聲【唔好意思，而家夠鐘啦要執檯】咁得唔得呀？
經理無回應調頭走左
5 秒後...
另一個大叔/經理：你地夠鐘啦喎
整件事係無任何一個人表達歉意，夠鐘出句聲先收嘢係咪咁難先？
最後我問男友飽唔飽，佢答案係【一肚氣, 頂住tim啦】
食物好一般，埋單每人$143，唔抵，好受氣
Other Info. :
估唔到唔係團購都仲要受呢D氣，男友話去酒樓打邊爐仲抵又唔駛受氣
味道： 普普通通，肥牛唔好食，其他料麻麻唔新鮮。汽水唔凍而且無冰，感覺到百事仲有少少熱
環境：好逼，3個人坐4人卡位都好逼，男友同我都算瘦，如果130, 140磅果D都唔知點坐
服務：無服務可言，態度差到好似乞食咁
衛生：有好多豉油碟都未洗乾淨， 有一pat pat， 酒樓都有分生熟筷子
抵食：埋單每個人 $143，我相信呢個價錢有更好選擇
(The above review is the personal opinion of a user which does not represent OpenRice's point of view.)
Post