Video
Read full review
2019-10-08
680 views
北角碼頭附近呢間酒店有間高層嘅fine dining餐廳，今次同朋友結伴去食晚餐，發現超有特色！除左睇到好靚嘅海景之外，餐廳內嘅氣氛都好好！餐廳食物都係來自東南亞、東北亞，好似有日本、韓國、越南、泰國等等。先食日本嘅雜錦刺身，食得出新鮮同魚嘅鮮味，特別鐘意Toro同埋甜蝦。池魚方面仲有分一種係手釣嘅，果然選料唔馬虎。沙律係嚟自越南嘅雞肉香蕉花沙律，酸酸地好開胃，加入唔同蔬菜口感仲好爽。湯品係大家都好熟悉嘅冬蔭功湯，但味道都幾驚喜，有別於之前飲過嘅口味，湯底比較清，用上雞湯做底係另一番滋味，酸味比較突出～另外大蝦都好鮮甜爽彈！港式啲有XO醬蒜香炒帶子，有四隻大大隻帶子，下面仲有入味嘅粉絲，好好送飯～如果彈性少少就更正啦！惹味啲有韓式烤牛肉，薄薄一片吸滿醬汁精華，剩低嘅汁仲可以撈飯～係呢個時候侍應剛好幫我地添飯，係茉莉香米，竹蘿仲有香葉墊底～其中我好鐘意嘅一味就係香煎牛肋骨，牛肉厚身啖啖肉，煎得好香口，仲可以配以泡菜一齊食～另外紅咖喱龍蝦帶點辣勁都好過癮！最有特色就係梅菜蒸鱈魚，鱈魚好嫩仲有腩位嘅魚油香，夾埋梅菜有家嘅感覺～最後必點佢地招牌甜品，CRUISE火焰雪山入面嘅雪糕選用咗椰子味、
餐廳食物都係來自東南亞、東北亞，好似有日本、韓國、越南、泰國等等。
先食日本嘅雜錦刺身，食得出新鮮同魚嘅鮮味，特別鐘意Toro同埋甜蝦。
池魚方面仲有分一種係手釣嘅，果然選料唔馬虎。沙律係嚟自越南嘅雞肉香蕉花沙律，酸酸地好開胃，加入唔同蔬菜口感仲好爽。
湯品係大家都好熟悉嘅冬蔭功湯，但味道都幾驚喜，有別於之前飲過嘅口味，湯底比較清，用上雞湯做底係另一番滋味，酸味比較突出～另外大蝦都好鮮甜爽彈！
港式啲有XO醬蒜香炒帶子，有四隻大大隻帶子，下面仲有入味嘅粉絲，好好送飯～如果彈性少少就更正啦！
惹味啲有韓式烤牛肉，薄薄一片吸滿醬汁精華，剩低嘅汁仲可以撈飯～
係呢個時候侍應剛好幫我地添飯，係茉莉香米，竹蘿仲有香葉墊底～
其中我好鐘意嘅一味就係香煎牛肋骨，牛肉厚身啖啖肉，煎得好香口，仲可以配以泡菜一齊食～
另外紅咖喱龍蝦帶點辣勁都好過癮！
最有特色就係梅菜蒸鱈魚，鱈魚好嫩仲有腩位嘅魚油香，夾埋梅菜有家嘅感覺～
最後必點佢地招牌甜品，CRUISE火焰雪山入面嘅雪糕選用咗椰子味、芒果香茅味雪糕以及熱情果口味嘅雪葩，特別切合佢地東南亞風味嘅主題！
侍應即席係我地面前淋上酒，睇住啲火一路燒好岩影相呢～
燒完都不減酒香呢，入面嘅雪糕依然冰凍，最突出係熱情果味後來係淡淡芒果香茅味～多人分享剛剛好！
Post
