老闆火鍋冰室

Open Now

Now Closed

未入坐，店員話，一次性海鮮盤轉咗炸蠔同虎蝦，門口都寫咗，我覺得ok，無所謂，點完餐，職員再次講一陣會有炸蠔同虎蝦，食住先，仲問食唔食即炸響鈴，我話食呀，職員話轉頭拎黎，雞煲黎到，另外比咗一藍炸茄子同魷魚鬚，因為第一次幫襯，所以唔知係咪額外再送，食到中途問職員先知，佢地由海鮮盤轉咗炸蠔同蝦，再轉為茄子同魷魚鬚，越轉越cheap都唔緊要，但你要話我知，我覺得ok，咪幫襯，唔係要我問到先話呢個就係送嘅一次性嘅嘢，最後當然即炸響鈴都無啦，中途就見到職員開始刪餐牌資料，可能有人投訴，所以先去刪餐牌，本身我覺得職員係好有禮貌同服務好好嘅，同埋我知店舖有最後嘅決定權，但係我覺得你應該要通知個客，唔係你自己話轉就轉，仲要越轉越cheap，我覺得有被呃成份囉，所以我唔會再幫襯另外假如食雞煲，我覺得食$239個餐已經夠，因為$269個餐只係有多一兩樣牛（唔見得特別出眾）無謂每人比多$30