Carlo Riva (Closed)

話說某日放假行街經過克街，咁就見到哩間有落地玻璃嘅扒房。係門口望入去都覺得0k嘅，第二日就興致勃勃拖著老婆嚟試下哩間新餐廳，一入到門口就有侍應招呼我哋坐低，跟手就俾menu我哋睇，menu都有得選擇下嘅，咁我哋點咗兩份扒，一份m4⃣️，一份m9⃣️，老婆同侍應話要7⃣️成熟，反而侍應都見意我哋要5⃣️成就好，再加兩杯凍檸茶。好喇入正題，首先我哋都食d沙律同麵包，d沙律普通，麵包就熱都唔熱下，果兩杯不知所謂嘅凍檸茶就係西茶加2⃣️塊檸檬片小小甜都冇，跟著有碗係水到不得了嘅忌廉湯，大概等咗20分鐘就牛扒到喇，m4⃣️果份老婆食，我食m9⃣️果份，買相唔在講喇，一劈屎嘅薯仔茸➕4條泰露，老婆食咗一啖就冇再食喇，份扒係熟到起渣，而我果份m9⃣️就好浸過水咁，食落口好多水，連本身牛肉應有嘅牛肉味都冇。同埋完全唔似煎出來嘅，牛肉表皮一d焦味同鹽都冇吖，我對食物冇乜要求都覺得難食吖，我都係食咗一半擺低刀叉，埋單仲有貴過係雪廠街有1⃣️星扒房，覺得係花園餐廳d牛扒都好過此店！