川公所 (Closed)

今日同屋企人黎食飯，因為我地幾個都食得辣，所以平時都會鍾意去揾啲川菜食下🌶️去試下啲唔同既野，今日就主要想試下佢既烤魚同小龍蝦🦞係主菜上黎之前就嗌左個酸辣土豆絲先，因為想先開開胃再慢慢嘆其他👅土豆絲切得好幼細🥔所以都好入味，而味道上唔會好辣，不過如果真係怕辣都可以request少辣，而金湯酸菜烤魚同埋小龍蝦都一樣可以調整辣度金湯酸菜烤魚🐟份量好多，而湯底諗緊如果有配料可以打邊爐都一定好正🍲今次揀左清江魚，一路都怕烤魚會一路煮住條魚搞到條魚老哂，但原來係唔會有呢個煩惱💦食落都係好滑麻辣小龍蝦🦞同樣份量好多，連個殼都想食埋🤪因為佢調味好好，食極都唔夠一隻接住一接咁，同屋企人一路剝一路傾偈一路食🤤感覺好溫馨。