金啫の鍋 (Closed)

朋友已經開始放年假，夜晚約佢去食雞煲。一坐喺度就見到金啫攻略，教你點至食得啱😆雞煲有辣有唔辣，我地揀咗唔辣，只要跟住指示炒下焗下，過10分鐘左右就有得食。d雞好嫩滑，雖然唔辣但落咗八角所以有少少麻既感覺。完成step 1就可以攞蜆，數量由手掌大細嚟決定，然後職員嚟幫我地炒蜆同鮑魚。鮑魚食落軟腍，而蜆都冇咩沙，唔錯！到咗step 3既肥牛炒烏冬，一路炒d蒜香味道出哂嚟，聞起都流口水🤤最後一個步驟係打邊爐，有豬骨、番茄、酸菜同麻辣湯底，我地揀咗番茄。雖然我地本身已經飽飽地但都食咗成10碟🤪順帶一提，飲品係任飲既~