俺流塩らーめん (新都會廣場)

Open Now

Now Closed

啲座位好多都好飯堂feel，得一張大枱成十張凳，一係就坐高凳，圍住吧枱坐，哈比人、自己諗。兩種枱同樣難免有搭枱感受。望嚟望去得一張四人枱，坐咗唯一一張二人枱，喺最邊緣，塊隔板只係擋住向餐廳入面嗰邊，變相商場路人甲乙隨便一望就見到你食相。嗌咗碗「墨汁魷魚豚角拉麵」，即係五花腩粒同吊桶切圈。唔滿意係魷魚明顯仲有雪藏味，仲要丁點魷魚味都冇，以為食緊冇調味嘅齋。五花腩粒真係略嫌少，得五小粒。伴麵嘅芫荽係小棵上，唔嫌陣荽徐係可以當菜食。唯一撈番啲價值係個湯底，有陣豆乳奶香，亦有種墨魚汁鮮味，當湯飲亦唔會鹹到上喉嚨頂。