Video
Read full review
2024-05-22
20 views
今日收工約咗朋友食飯，上次嚟南豐中心搵食有一個唔錯嘅體驗，今次食過返尋味，過嚟飲下茶食個包。呢度都有海鮮酸辣湯，不過今次嘅酸好似重手咗，略嫌佢有少少蓋過咗海鮮嘅鮮味，有點兒可惜。不過佢都好足料入邊有晒彈牙嘅鮮蝦同埋瑤柱。然後叫咗個酥炸魷魚鬚，佢真係冇改錯名啊，因為佢個外皮真係炸得好鬆脆，送酒一流。然後有一個前菜個名好搞笑，叫麻煩三菇，因為佢係用三款唔同嘅菇菇去醃製而成嘅前菜，佢啲花椒油都幾香。然後我哋叫咗個薑汁炒芥蘭，我個人覺得佢個薑汁唔會太辣，味道啱啱好。而最重要係啲芥蘭都啱啱好唔會太老，因為芥蘭一老咗就食唔到㗎啦。另外我哋仲叫咗個雞煲，另外好驚喜嘅係佢係冇骨㗎，啱晒我呢啲懶人。所以我真係好欣賞佢呢個雞煲，啖啖肉滑捋捋，如果有得揀辣味嘅話仲加正。最後嚟飲茶，當然唔少得嗌點心啦，佢呢度嗰啲點心都比較特別，就好似呢度冇普通嘅燒賣，只係得呢種櫻花蝦燒賣，相比起傳統嘅鮮蝦燒賣佢用櫻花蝦代替，炸香咗嘅櫻花蝦放咗喺燒賣面頭，中間就係肥瘦參半嘅豬肉。最後就梗係要叫佢呢度最可愛嘅奶皇包啦，除咗賣相得意之，佢個味道都好好味㗎。個包皮好鬆軟，好軟熟，然後中間啲奶黃又啱啱好唔會太稀又唔會太杰，一咬就流出嚟
呢度都有海鮮酸辣湯，不過今次嘅酸好似重手咗，略嫌佢有少少蓋過咗海鮮嘅鮮味，有點兒可惜。不過佢都好足料入邊有晒彈牙嘅鮮蝦同埋瑤柱。
然後叫咗個酥炸魷魚鬚，佢真係冇改錯名啊，因為佢個外皮真係炸得好鬆脆，送酒一流。
然後有一個前菜個名好搞笑，叫麻煩三菇，因為佢係用三款唔同嘅菇菇去醃製而成嘅前菜，佢啲花椒油都幾香。
然後我哋叫咗個薑汁炒芥蘭，我個人覺得佢個薑汁唔會太辣，味道啱啱好。而最重要係啲芥蘭都啱啱好唔會太老，因為芥蘭一老咗就食唔到㗎啦。
另外我哋仲叫咗個雞煲，另外好驚喜嘅係佢係冇骨㗎，啱晒我呢啲懶人。所以我真係好欣賞佢呢個雞煲，啖啖肉滑捋捋，如果有得揀辣味嘅話仲加正。
最後嚟飲茶，當然唔少得嗌點心啦，佢呢度嗰啲點心都比較特別，就好似呢度冇普通嘅燒賣，只係得呢種櫻花蝦燒賣，相比起傳統嘅鮮蝦燒賣佢用櫻花蝦代替，炸香咗嘅櫻花蝦放咗喺燒賣面頭，中間就係肥瘦參半嘅豬肉。
最後就梗係要叫佢呢度最可愛嘅奶皇包啦，除咗賣相得意之，佢個味道都好好味㗎。
個包皮好鬆軟，好軟熟，然後中間啲奶黃又啱啱好唔會太稀又唔會太杰，一咬就流出嚟，甜度亦都啱啱好。
我幾鍾意呢一度嘅款式，乜都有啲唔會太悶，一次過滿足晒我所有願望。
Post
