鮨盛 (Closed)

雖然話而家日本開返關，但機票都好貴，同埋始終close左幾年，身邊好多朋友都抱觀望態度唔敢咁快去住，所以都仲係唯有喺香港食住壽司先。鮨盛係尖沙咀一間新開嘅鮨店，Omakase Lunch分左$480同$680都可接受，朋友移民在即，就同佢黎哩度食當係薦行。今次我地揀左Business Omakase Lunch($680/人)，入面包左前菜、刺身、季節料理、壽司、手卷、玉子燒、味噌湯同甜品。前菜有兩款，present得幾靚。前面波形係毛蟹忌廉餅，炸皮香脆唔會太硬，中間餡料軟滑，後面係醋味噌鰻魚，食落酸酸地，魚肉帶少少咬口，下面墊底係露筍。蒸蛋熱辣辣，口感滑溜，入面加左冬菇同鳴門卷。鱈魚白子好滑完冇冇腥味，師傅加左柚子啫喱，除左可以僻腥味之外，酸酸地仲好開胃。竹簽魚刺身 - 師傅將竹簽魚輕燒過，所以食落會帶少少油潤，魚肉上面加左味噌醬，酸酸甜甜令味道更豐富。天婦羅拼盤- 拼盤有舞茸、沙追魚同日本南瓜，天婦羅炸得酥脆，炸漿唔會太厚或太硬，亦唔會成口油，就咁蘸天婦羅汁或者岩鹽已經唔錯。左口魚壽司 - 左口魚本身有少少腥味，所以師傅都特登加左辣蘿蔔蓉上去，只係略嫌wasabi多左少少。魷魚壽司