臺北棧 (形點 I)

Open Now

Now Closed

平時係香港食台灣菜多數食牛肉麵搭杯珍奶就完。今次我地係yoho搵到呢間有多款台灣特色食物，食得我地好開心麻醬涼拌秋葵，啲秋葵好靚仔又飽滿，食落爽脆，係個麻醬好香，再帶啲辣，好味味！招牌魯肉飯，食碗暖笠笠既飯，肉汁咸中帶微甜，魯肉肥瘦適中。髒髒鹹蛋黃芋泥蛋餅，淨係賣相已經靚到唔捨得食，薄薄蛋餅包住甜甜芋泥，上面仲有紫薯粉和咸蛋黃碎，口感有幾個層次。紅豆沙豆乳，連飲品都好靚靚，少少沙得黎帶豆乳味。黑糖薑母鮮奶，微微薑味好暖胃，加上鮮奶creamy柔滑感，好幸福啊！黑芝麻奶奶麻糬，雖然個樣唔靚仔，但食落好有驚喜，個麻糬係涼涼地，沾上黑芝麻碎，好香芝麻味，呢個推介。