Video
Read full review
2023-03-31
1253 views
早前聽朋友講話牛頭角開咗間叫「薑媽」嘅木系小清新 Café，據說食物做得唔錯，用料高質，所以今日就專登過嚟食餐晏。餐廳以日系和風設計為主調，店內面積頗大，空間寬敞，盡頭位置設有格仔屏風式玻璃窗，配以一室淺木裝潢，好有日本家庭式餐廳 feel。餐廳主打日式定食和便當，另外亦有兩款手作漢堡和一系列特色咖啡、果味手調茶等可供選擇。點咗兩個一汁三菜定食，套餐包主菜、副菜、味噌湯、漬物和茶飲。醬煎日本黑豚肉眼 ($130)、櫻花蝦胡麻醬豆腐、海鹽焦糖咖啡 (+$18)肉眼大大塊，煎得啱啱好，肉質富彈性，油脂分佈平均，入口滑嫩又無筋。米飯選用日本國產米，飯粒圓潤飽滿，食落軟糯又有甜味。櫻花蝦好鮮香，豆腐滑捋捋，配上惹味嘅胡麻醬，開胃醒神。跟餐點咗杯海鹽焦糖咖啡，入口鹹鹹甜甜，帶濃厚烘烤風味，非常高質。比目魚西京燒 ($128)、煙鴨胸蜜柑沙律、青檸冬瓜露 (+$10)魚肉肥美豐厚，肉質雪白嫩滑，香軟又唔嚡口，加上醬汁以白味噌做底，味道甘甜，但又無蓋過魚肉本身嘅鮮味，入口啖啖肉，好滋味。鴨胸份量十足，入口超 juicy，鮮嫩又多汁；沙律菜新鮮爽脆，配上酸酸甜甜嘅蜜柑，令人胃口大增。冬瓜露好 fres
早前聽朋友講話牛頭角開咗間叫「薑媽」嘅木系小清新 Café，據說食物做得唔錯，用料高質，所以今日就專登過嚟食餐晏。
餐廳以日系和風設計為主調，店內面積頗大，空間寬敞，盡頭位置設有格仔屏風式玻璃窗，配以一室淺木裝潢，好有日本家庭式餐廳 feel。
餐廳主打日式定食和便當，另外亦有兩款手作漢堡和一系列特色咖啡、果味手調茶等可供選擇。
點咗兩個一汁三菜定食，套餐包主菜、副菜、味噌湯、漬物和茶飲。
醬煎日本黑豚肉眼 ($130)、櫻花蝦胡麻醬豆腐、海鹽焦糖咖啡 (+$18)
肉眼大大塊，煎得啱啱好，肉質富彈性，油脂分佈平均，入口滑嫩又無筋。米飯選用日本國產米，飯粒圓潤飽滿，食落軟糯又有甜味。
櫻花蝦好鮮香，豆腐滑捋捋，配上惹味嘅胡麻醬，開胃醒神。跟餐點咗杯海鹽焦糖咖啡，入口鹹鹹甜甜，帶濃厚烘烤風味，非常高質。
比目魚西京燒 ($128)、煙鴨胸蜜柑沙律、青檸冬瓜露 (+$10)
魚肉肥美豐厚，肉質雪白嫩滑，香軟又唔嚡口，加上醬汁以白味噌做底，味道甘甜，但又無蓋過魚肉本身嘅鮮味，入口啖啖肉，好滋味。
鴨胸份量十足，入口超 juicy，鮮嫩又多汁；沙律菜新鮮爽脆，配上酸酸甜甜嘅蜜柑，令人胃口大增。冬瓜露好 fresh，味道唔會過甜，加上微酸嘅青檸，清爽宜人。見到鄰桌點嘅便當同手作漢堡，賣相亦非常吸引，下次有機會會再嚟試下。
Post
