Caffe Milani (時代廣場) (Closed)

難得今日自己一個人可以靜靜地食個午餐，左諗右諗，究竟去邊度食午餐好呢？既然又唔係好肚餓，不如就去附近商場入邊嘅Caffe milani 試吓佢哋嘅三文治同埋蛋糕啦，反正都好耐未試過自己一個人嘆杯咖啡！我叫咗個吞拿魚三文治，一杯椰子咖啡主打。三文治個包真係好鬆軟，一啲都唔硬，好好食。杯椰子咖啡味道郁香而帶有濃濃嘅椰子味道，啱晒我口味！最後買多兩個cake做下午茶，佢哋嘅cake唔使講，都知有幾好味，尤其是係個檸檬撻，唔會太甜又有清新嘅檸檬味，食完都唔覺得好濟。下次有時間又可以嚟扮吓文青，嘆番杯咖啡☕️