Video
Read full review
2017-12-05
53 views
好耐都無同三五知己食飯啦，今次我地咁難得約得成，當然要搵番間好餐廳聚一聚啦！行經蘭桂芳一列餐廳，我地見到一間叫<<Sodam Chicken>>嘅韓式炸雞店。因為朋友一向鍾意食韓國野，加上喺芸芸酒吧中，我地都竟然發掘到韓國餐廳，所以都不約而同決定要入去大食一餐。裏面裝潢好有異國情調，倒吊嘅酒杯喺黃澄澄嘅燈光照射下，顯得格外閃亮。待應靜靜咁帶領我地去到餐館嘅二樓。當時，餐廳嘅客人數目唔算多，可能因為正值放工時間啦！打開餐牌，我地發現唔少令人垂涎三尺嘅佳餚。朋友打算頭盤食得比較清淡，所以叫左一客<<凱撒沙律>>。 沙律裡頭嘅生菜同番茄非常新鮮，食落有股淡淡嘅田園風味。而塗係生菜上嘅芝士粗醬，更突顯沙律嘅歐陸風情。<<芝士薯條拼麪包粒>>我地原本純粹想食煎炸野，先決定叫呢份拼盤，點知佢竟然帶到份驚喜畀我地。薯條同麪包粒炸到金黃色，食落口香脆無比;香濃嫩滑嘅芝士醬，則賦予拼盤鮮而不膩嘅口感。朋友都忍唔住大讚一番呀！<<蜜糖蒜香焗雞>>入得黎韓國烤雞店，無理由唔食番份雞
行經蘭桂芳一列餐廳，我地見到一間叫<<Sodam Chicken>>嘅韓式炸雞店。因為朋友一向鍾意食韓國野，加上喺芸芸酒吧中，我地都竟然發掘到韓國餐廳，所以都不約而同決定要入去大食一餐。
裏面裝潢好有異國情調，倒吊嘅酒杯喺黃澄澄嘅燈光照射下，顯得格外閃亮。
待應靜靜咁帶領我地去到餐館嘅二樓。當時，餐廳嘅客人數目唔算多，可能因為正值放工時間啦！
打開餐牌，我地發現唔少令人垂涎三尺嘅佳餚。
凱撒沙律
$80
6 views
0 likes
0 comments
朋友打算頭盤食得比較清淡，所以叫左一客<<凱撒沙律>>。 沙律裡頭嘅生菜同番茄非常新鮮，食落有股淡淡嘅田園風味。而塗係生菜上嘅芝士粗醬，更突顯沙律嘅歐陸風情。
芝士薯條拼麪包粒
$75
8 views
0 likes
0 comments
<<芝士薯條拼麪包粒>>
我地原本純粹想食煎炸野，先決定叫呢份拼盤，點知佢竟然帶到份驚喜畀我地。
薯條同麪包粒炸到金黃色，食落口香脆無比;香濃嫩滑嘅芝士醬，則賦予拼盤鮮而不膩嘅口感。朋友都忍唔住大讚一番呀！
蜜糖蒜香焗雞
$140
9 views
0 likes
0 comments
<<蜜糖蒜香焗雞>>
入得黎韓國烤雞店，無理由唔食番份雞肉啦！因為我地早前已經食左炸物，所以呢次選擇食焗雞代替炸雞/烤雞。
我地一行3人，叫左半份蜜糖蒜香焗雞 (一共7件)。甜甜嘅蜜糖，緊緊擁抱幼嫩多汁嘅雞肉，令成盤蒜香雞多左一股津甜。
雖然呢份雞肉認真唔錯，不過如果佢地係無骨雞肉就更perfect啦！
熱帶風情薄餅
$138
4 views
0 likes
0 comments
最後，我地order左份Pizza作結。
<<熱帶風情薄餅>>
一個Pizza均勻切成6等份，岩哂我地3個人，因為岩岩好每人2件。雖然薄餅口感同我平時食開嘅，分別唔大;但值得一讚嘅，係佢放係餅頭上嘅新鮮菠蘿。
以往我食過嘅薄餅，上面菠蘿粒大多已經烤到乾巴巴，有啲更加係燶左添。但呢度嘅菠蘿咬落口，多汁到飛近舌尖...同其他配料拼湊埋一齊，更加有種互補嘅感覺。
總而言之，今次真係食左一餐「棒呆了」嘅韓國菜。下次有機會，我一定要再黎老蘭覓食-- 我指Sodam Chicken 呀！
Post
