Franape Bar & Restaurant (Closed)

今次同朋友食飯，我又飲又食真happy，今次有好野食，法國菜式既酒吧，酒吧有幅好大既壁畫，幾型好似法國街頭藝術甘。鴨脾珍寶珠聽個名都已很吸引我了，珍寶珠甘可愛，呢道菜式聽店員介紹話用油浸慢煮既方式，炮製而成的鴨脾肉，之後再整成圓碌碌既型狀，好似珍寶珠甘，so cute。味道非常香口，有香濃烈既鴨味，入口鬆軟。甘樣食鴨脾肉真係第一次。千島海鮮pizza , 材料非常豐富，芝士夠哂重身，甜甜地既千島汁配濃味芝士，入口煙靭香甜，不過就食完會好肥啊。Pizza餅底厚度適中，最like夠多沙律菜。呢度酒吧既特色係手工啤，我揀左梅花十手工啤，味道帶朱古力焦糖味等，似飲雪糕味既啤酒，好得意。德國腸拼盤呢碟串燒德國腸四兄弟，入面有幾種不同味道既腸仔，有咸味，少許辣味、黑椒味等，配埋啤酒飲就仲入味。慢煮澳洲牛小排聽店只話係空運既，保證新鮮，所以我要試試喇。牛小排上面搽左花生忌廉，呢種味道既配合都特別。牛小排肉質嫩，不會太靭，煎得時間剛好，誠意推介。