Villa 26

Open Now

Now Closed

通常去尖東都係去飲酒，不過次次都經過見到呢間餐廳好靚，一直都好想嚟試吓，咁啱經過見到佢新出咗個黑松露二人晚餐，價錢好抵食，咁就同屋企人嚟試吓啦。呢度出面嘅環境好靚，但係估唔到入面仲靚，佢嘅裝修都係行高級風格，好適合情侶拍拖或者慶祝生日。黑松露野菌湯湯汁濃郁，而且香氣撲鼻，入口即化嘅野菌同黑松露嘅獨特香味完美結合，令人一試難忘，非常適合作為餐前開胃菜享用。海膽忌廉汁黑松露燴飯米飯唔會太硬，口感滑嫩濕潤，配上香濃嘅忌廉汁同黑松露，味道層次分明。海膽非常新鮮，同黑松露好夾，雖然份量唔係好多，但係都已經感覺好滿足。主菜方面，我哋選擇咗炭燒頂級美國肉眼扒配黑松露牛油。肉眼扒外脆內嫩，肉質鮮嫩多汁，每一啖都充滿咗炭燒嘅香氣。而黑松露牛油更係畫龍點睛，將肉嘅鮮美提升至另一個層次。呢間餐廳又靚又抵食，而且服務態度好好，裏面嘅裝修仲好適合影相，真係好推薦大家嚟慶祝生日或者慶祝節日，拍拖帶女朋友嚟一定會好開心。