Video
Read full review
2022-07-31
197 views
今日經過一生懸麵就同屋企人入咗去食。我就嗌咗白湯豚骨拉麵，佢嘅配菜都幾多例如有:紫菜、溏心蛋、豚肉、筍同埋木耳。我覺得佢嘅湯底比一般拉麵有啲太過濃厚，食落去會有啲濟， 但係個豚肉值得讚，個豚肉雖然好厚但係好淋。 整體上都ok!我屋企人就嗌咗辛辣沾麵同埋魚介豚骨沾麵，我食咗一啖覺得呢間嘅沾麵比起拉麵更加好食，因為佢嘅麵質好似用咗燕麥去做，食落去有啲口感好得意，加上如果鍾意食辣嘅朋友都應該會好鍾意辛辣沾麵， 因為佢其實都幾辣，而魚介沾麵嘅湯底好濃郁! 值得推薦。另外我哋仲嗌咗兩款小食有煎餃子同埋章魚燒， 我覺得佢個煎餃煎得幾香脆而裏面嘅肉都好大，好多汁所以我覺得幾好味。而章魚燒我就覺得嗰章魚太過細粒， 唔係幾食得出章魚，但係個調味方面都ok，所以有興趣嘅朋友可以不妨試一下!
我屋企人就嗌咗辛辣沾麵同埋魚介豚骨沾麵，我食咗一啖覺得呢間嘅沾麵比起拉麵更加好食，因為佢嘅麵質好似用咗燕麥去做，食落去有啲口感好得意，加上如果鍾意食辣嘅朋友都應該會好鍾意辛辣沾麵， 因為佢其實都幾辣，而魚介沾麵嘅湯底好濃郁! 值得推薦。
另外我哋仲嗌咗兩款小食有煎餃子同埋章魚燒， 我覺得佢個煎餃煎得幾香脆而裏面嘅肉都好大，好多汁所以我覺得幾好味。而章魚燒我就覺得嗰章魚太過細粒， 唔係幾食得出章魚，但係個調味方面都ok，所以有興趣嘅朋友可以不妨試一下!
Post
